Jennifer BARET es sòcia de l’IEO-06 e es finda magistressa a l’escòla bilingüa dei Portegaliers de Niça. Aquest an, Jennifer a 2 classas d’occitan-niçard : ps-ms-gs e gs-cp. (4 nivèus de classa). L’i son doi magistressas per doi lengas : Jennifer per ensenhar basta en niçard e una autra magistressa per ensenhar basta en françés. Aquò demanda totplen de travalh e de cordinacion sobretot per 4 nivèus. Pasmens desiram totplen de coratge ai magistressas per menar a ben la sieu annada escolaresca.
Lu sieus escolans an de 3 a 6 ans e an toi lo desideri d’emparar la lenga.
Ancuei nen regala quauqui anecdòdas tant per faire conóisser cen que fa en classa coma per suscitar perqué pas de vocacions d’ensenhaires/ritz.
Asperam li vòstri reaccions !
NOS AN ESCRICH :
JPB : Aremercii toi lu escolans de la classa de GS-CP per aquesta letra que mi pertòca e la fòto que mi mandèron de la classa tota embé l’istòria de la cabra en man. Esperi que la porrem publicar un jorn sus lo site.
Mi teni a la disposicion de la Classa per una autra visita se necessari. E fau en cadun una baieta virtuala. Mercí a Jennifer BARET de m’aver aculhit e a l’ajuda materna per lo sieu interés per lo niçard.
Marinette Blanc : 👍