Vous me pardonnerez de parler à nouveau du loup alors que je lui ai consacré une chronique en juin dernier, mais le sujet me parait de plus en plus grave. Un séjour en montagne pendant l’été m’a convaincu de la présence d’un nombre de loups bien plus grand que celui qui est actuellement avancé. Les écologistes disent à qui veut l’entendre que le loup ne s’attaque pas à l’ homme. La revue “l’Histoire” prouve le contraire.
Apetís
Vodrieu pas passar per un repepiaire (radoteur) en fasènt mai un “Ritme dei sasons” emé lo lop, mai lo sujet mi pareisse tras que grèu. Fagueri aquest estiu de rogasons e de sejorns au Vernet (04), Castèu- Garnier (04), Briançonnet (06) e d’en pertot mi digueron que de lops avién atacat leis avers (troupeaux). La desesperança dei pastres fa pena. Leis estatisticas oficialas parlon de quauquei desenats de lops sus lo territòri francés… convendrié de parlar de quauquei centenats, dison lei pastres lei miès informats. Lo lop manja lei motons, lei cabras, lei vudèus, lei camós, lei moflons, lei joines senglars… mai si podrié que mangesse, un “bèu” jorn, un pastre ò un caminaire nafrat (blessé) qu’ aurié tombat dins una robina. Dins sa cronica “en lenga nòstra” publicada dins un quotidian regionau, l’ Agachaire (saludi aquí l’amic anonime) nos fa saupre que lo lop es (tanben) rendut dins Lura e que tant un jorn podrié mostigar quauqun. La revista “l’Histoire” a fach lo còmpte qu’entre 1580 e 1842, lei lops aurién manjat 1165 umans repertoriats, en majoritat de fremas e de dròles. Una pròva que lei discors deis ecolòs d’un lop sensa dangier per l’òme escondon la realitat. Lo lop bessai atacarà jamai un òme adulte que si tendrà drech, mai vira torna, deman ò dins cinc ans, atacarà un òme nafrat ò un dròle restat solet. Sarié colhon que duvessiam esperar que l’apetís d’un lop siguesse sadolat de carn umana per que posquessiam acarar seriosament la questien de l’utilitat dau lop e de sei lobatons au nòstre (chez nous).
Andrieu Abbe