La rentrada de l’IEO-06, seccion de Niça Lo Gramon, si debanerà lu diluns 21 e dimarç 22 de setembre dau 2009 a 6 oras e mieja dau vèspre.
Troveretz en peça joncha lo programa de l’annada 2009-2010.
V’asperam sempre en camba, alegres e numerós.
Avís a la populacion !
Audètz audètz bravi gents !
Lu diluns 21 e dimarç 22 de setembre repilhan lu cors au Gramon. Auretz la fortuna e l’immense plasir de retrovar totjorn plus gaubiós, inventius e motriós lu nòstres Magistres de niçard sempre imitats, jamai egalats, Anna-Maria Sgaravizzi-Garcia e Joan-Pèire Baquié.
En mai d’emparar la lenga dei antenats, auretz tanben l’oportunitat de ressentir fins ai budelas la vòstra apartenença en una tèrra, una pàtria e un pòble en participant ai ataliers de cultura e patrimòni occitans. Porretz vos recrear sus lo pontin dau teatre de Joan-Pèire Spies, balar de nuechs entieri emé Choaseta, Manon e Fanny Genti, cantar lo repertòri de toti li regions dau miegjorn sota la guida de Joan-Pèire Aiperto, charrar a bastons romputs en companhia de Carlòta Rubini e de Joan-Pèire Baquié, legir, manjar, beure, rire, passejar e sobretot, sobretot, anodar d’amistats que dureràn una vida.
