Iveta

Anna-Maria MILARDI de l’IEO-06 nen comunica aquesto tèxto qu’a per titre  » Anèm Òc : avèm manifestat « . Lo publicam embé encara de fòtos mandadi da Romieg GARCIA. Bòna lectura e regarjatz ben, avèm mes lo liame emb’ai doi premiers articles dau meme nom.


Veire tanben : http://ieo06.free.fr/spip.php?article835

Veire tanben : http://ieo06.free.fr/spip.php?article836

Anèm Òc : avèm manifestat

Eravam 20 000, mi podetz creire sus paraula, desbarcats a Besièrs da toti li mai bèli vilas, vilatges de toi lu caires de França, d’Itàlia, d’Espanha per cridar, cantar, sonar e balar la nòstra passion per la tèrra, l’ària e la votz d’Occitania.

Nautres Niçards, Grassencs e Canencs nos avieriam a l’auba mé tres carris, en veituras en trens per fin de non mancar la partença de la manifestacion, lu braçs li malhetas e lo còr cargats de panèus ai colors occitans.

L’acuelh de la populacion siguèt entusiast, semblavan sorprès mas encantats de rescontrar d’exotics cosins aluenhats tant pariers e nautres eravam toi fiers de provar que, tanben s’aviavam li nòstri particularitats e una bandiera embé l’aigla que faia polissia sus lu mores de toi lu participants, possedem una lenga ùnica e un resús sanguin identico en li venas.

Lo cortètge dau passa-carriera s’averèt talament gigant qu’aquelu qu’avion acabat lo percórs si rescontravan mé lu autres qu’èran pancara partits e podion decidre de faire un segond torn.

Au lòng de la manifestacion, s’estalavan colors e sons a breti, mùsica e danças si mesclant alegrament en un ambient de fièra, de fèsta.

Ieu seguii resolutament li jorginas per m’emparar cançons nòvi da portar au mieu en mai dei sovenirs, tot en tenent d’una man ferma lo cartèu jaune-roge dont li èra escrich « País Niçard Tèrra occitana » que lo vent bolegava, menaçant li tèstas dau monde, un metòdo bessai tròup brutal per li faire ientrar dins lu sucs la necessitat de sauvar la curtura d’Òc.

Aüra, mi diètz pas qu’auguèri tòrt, mi faríatz regretar de non aver picat. Mas non, galegi de segur, qu’aquelu que li èran lo sabion tot aquò !

Anna-Maria MILARDI

Iveta
Iveta
País Niçard Tèrra occitana
País Niçard Tèrra occitana
Celina venguda de París e Jaumelina que n'a encara la pèu de galina
Celina venguda de París e Jaumelina que n’a encara la pèu de galina
Fina, Evelina, Arleta, Joan-Pèire, Reinat, Carlòta
Fina, Evelina, Arleta, Joan-Pèire, Reinat, Carlòta
Natalia de Marselha e Coleta de Pesenàs
Natalia de Marselha e Coleta de Pesenàs
Pèire, Glaudi, Celina, Anna-Maria, Nadina
Pèire, Glaudi, Celina, Anna-Maria, Nadina
Leopòld, Regina, Joan-Maria, Pèire
Leopòld, Regina, Joan-Maria, Pèire
Evelina, Fina, Verònica, Anna-Maria
Evelina, Fina, Verònica, Anna-Maria

Laisser un commentaire

Votre adresse e-mail ne sera pas publiée. Les champs obligatoires sont indiqués avec *