L’associacion Sota Òrme, afrairada a l’I.E.O. 06, organisa aquest’an encara un còup li caminadas per descurbir lo país e per sostenir l’inscripcion de la lenga d’òc au patrimòni mondiau de l’umanitat, dins l’encastre dau project « Chaminem per òc » iniciat per la Chambra d’òc.
Siatz toi convidazts, sòcis de l’I.E.O. ò non, parents, amics, joves e ancians, a venir a Gòrb dissabta lo 26 de junh dau 2010 en aqueli caminadas que seran un jorn de rescòntre per aquelu que son afogats de la nòstra lenga.
L’associacion Sota Òrme s’es mobilisada per provar de vi faire passar una jornada mai que bèla e bòna; per aquò vi propausam doi percors :
– una caminada corta d’un’ ora que vi farà faire lo giro dei campanhas alentorn dau vilatge;
– una caminada longa de tres oras que vi farà puar au sobran dau país sota lo Mont Agel, per lu caminaires confirmats e entrainats.
Dins lo temps d’aqueli caminadas, lo monde de Sota Òrme faràn de commentaris en lenga gorbarina e tanben en francés.
A miegjorn, s’arecamperem toi ensems per manjar dins un prat ombrós proch dau vilatge, dont son convidats tanben de nen rejónher aquelu que non an poscut faire li caminadas.
De predinnar si porrà cantar, pastrolhar, jugar, cuntar d’istòrias… ò faire un pichin penec a l’ombra dei òuliviers ò dei rores dau país.
ASSABER :
Oraris :
Despí lu 8 oras de matin, la sala dei festas serà duberta e li porretz laissar saqueton e merendon sota bòna garda. Si trova tanben lo commun.
Lo recampament per la caminada grana si farà a 8 oras e un quart sota l’òrme a l’entrada dau vilatge.
Lo recampament per la caminada corta si farà a 10 oras sota l’òrme a l’entrada dau vilatge.
Lo recampament per lo past sus l’erba si farà a miegjorn circa au Prat Gran. Cadun aurà portat lo sieu merendon en lo brassac, e bessai quauqua ren a despartir…
Per una bòna caminada, pensatz a de cauçuras adaptadi, un capèu e de belicres per lo soleu, una bachorla d’aiga per lo beure en camin.
V’asperam numerós !
Seria ben de vi marcar lèu per fins de melhorar l’organisacion d’aquesta jornada,
– pròch l’I.E.O-06.
– aquí sota (laissatz un messatge en bas d’article)
– au 04 93 79 88 51 (en cò de Arleta e Joan-Pèire) (podetz laissar un messatge)
– per messatge electronic mandat a sotaorme@laposte.net
Caminem per Òc à Gorbio le samedi 26 juin 2010
L’association Sota Òrme, adhérente à l’I.E.O. 06, organise de nouveau cette année les promenades pour découvrir la région et pour soutenir l’inscription de la langue d’oc au patrimoine mondial de l’humanité, dans le cadre du projet « Chaminem per òc » initié par la Chambra d’oc.
Vous êtes tous invités, adhérents de l’I.E.O. ou non, parents, amis, jeunes et anciens, à venir à Gorbio le samedi 26 juin 2010 à participer à ces promenades qui seront un jour de rencontre pour tous ceux qui se passionnent pour notre langue.
L’association Sota Òrme s’est mobilisée pour vous permettre de passer une belle journée; pour cela, nous vous proposons deux parcours :
– une petite promenade d’une heure qui vous fera faire un tour dans les campagnes autour du village;
– une longue promenade de trois heures qui vous emmènera dans les hauteurs, sous le Mont Agel, elle est réservée aux marcheurs confirmés et entrainés.
Au cours de ces promenades, les membres de notre association commenteront le parcours en gorbarin et en français.
À midi, nous nous retrouverons tous dans un pré ombragé proche du village pour manger ensemble; ceux qui n’auront pas pu faire la promenade pourront nous y rejoindre facilement.
Après le repas, nous pourrons à loisir chanter, discuter, danser, jouer, raconter des histoires… ou faire une petite sieste à l’ombre d’un olivier ou d’un chêne.
INFORMATIONS À NOTER :
Horaires :
À partir de 8 heures, la salle des fêtes sera ouverte et vous pourrez y déposer vos affaires et votre pique-nique, sous bonne garde. Vous y trouverez des toilettes.
Le rendez-vous pour la grande promenade est prévu à 8 heures ¼ sous l’ormeau à l’entrée du village.
Le rendez-vous pour la promenade plus courte est prévu à 10 heures sous l’ormeau à l’entrée du village.
Le rendez-vous pour le pique-nique est prévu à partir de midi au Grand Champ. Chacun portera son pique-nique, et aura peut-être préparé quelque chose à partager…
Pour marcher en toute sécurité, pensez à vous équiper de bonnes chaussures adaptées, d’un chapeau et de lunettes pour le soleil, d’une gourde pour boire en chemin.
Nous vous attendons nombreux !
Il est souhaitable de vous inscrire rapidement afin de faciliter la bonne organisation de la journée,
– auprès de l’I.E.O-06.
– en fin d’article (laissez un message au bas de l’article)
– au 04 93 79 88 51 (chez Arlette et Jean-Pierre)(vous pouvez laisser un message)
– par message électronique envoyé à sotaorme@laposte.net