Carcassona 2009 : Serem Fòrça

Lo 21 de julhet dau 2008, li lengas de França faguèron la sieu entrada en la Constitucion de França embé l’Article 75-1 :  » Li lengas regionali apartenon au patrimòni de França. » Aquesta reconoissença, d’unu sòcis l’aperavan despi mai de 30 ans, mas bessai pas en l’article 75. Coma lo diguèri encara a Montsegur lo 27 d’octòbre d’aquest an. Es un progrès, en lo sens qu’es lo premier pas devèrs la reconoissença de la nòstra lenga e dei lengas de França. Mas aquò basta pas.

Volem una lei-quadre, emb’ai mesos que van ensems, per la nòstra lenga, senon serà una gruèia vuèia e ren de positiu l’ajuderà a si sauvar. Pensi per exèmple a la creacion de mai de pòstes d’ensenhaires au CAPES d’Occitan-Lenga d’òc, a la creacion de pòstes d’agregats qu’existon pas au jorn d’ancuei, a la socializacion de la lenga, a una visibilitat dins lu medias, eca…

A Besièrs eravam 20 000. Si devem de li èstre encara mai lo 24 d’octòbre 2009 a Carcassona. L’IEO-06 organizerà coma de costuma un desplaçament per aquesta data. Vos demandam de la reservar per una manifestacion revendicativa e festiva encara mai bèla que la darniera e de vos faire conóisser pròche la nòstra associacion per lo monde d’aquí.

Coma lo m’escriguèt Claudi Alranc « Ganharem qu’avèm lo secret de l’impossible » (octòbre dau 2008)


Carcassona 2009 : Serem Fòrça
Carcassona 2009 : Serem Fòrça

Laisser un commentaire

Votre adresse e-mail ne sera pas publiée. Les champs obligatoires sont indiqués avec *