La creacion dau site es una iniciativa de L’Institut d’Estudis Occitans – PACA. Sus d’aquest site si parla, si blaga, si charra, si galeja… occitan.
Es un luec de rescòntres per practicar la lenga occitana. Tot se l’i pòu dire franc dau respèct deugut en cadun e dau respèct de la lèi.
Charrada
La tòca, la capissètz, es de permetre au public de joves ò mens joves (aquelu que passan lo sieu temps devant un fenestron d’ordinator) de trovar un luec de socializacion per parlar la lenga e de li donar l’ocasion de lo faire…
A la diferença d’una pàgina Internet ò d’un Blòg, aquí lo centre de l’activitat es la pratica de la lenga (e aquò passa davant l’informacion).
Aquò justifica que ren que l’occitan solet siegue acceptat. Es la règla dau juec. E si ganha ren que de capitar de tot dire en occitan (niçard, provençal, aupenc,…).
Per ensin, dins aquest quadre, lo site deuria pòrger toti li facilitats per parlar, un esperit de tolerança sus la qualitat linguística, un accuelh, una animacion virada a la pràctica mai qu’au contengut, de rescòntres a tèma per la descubèrta de la lenga (lecturas d’articles, de tròç d’òbras…), lo vocabulari de la convèrsa, de liames sus d’aisinas qu’ajudan a parlar.
Ai ! La tecnica
Per aüra, la benda passanta sembla suportar bèn coma cau 6 a 10 charraires per un salon. Avèm pi modificat li cauas que si pòscon durbir mai d’un salon de charrada.
Per vos marcar serètz contactats d’aquí gaire e a flor e a mesura de la nòstra capacitat a aculhir de monde. Podètz finda nos laissar un messatge se siatz interessats de faire partida dei premiers barjacaires.
