Coma cada dimarç, despí la rentrada de setembre, lo cors de lenga de Bon-Viatge foncciona embé quatre animatritz e animators de tria que lo bailejan a torn a torn : Françon DALBERA, Anna-Maria MILARDI, Anna-Maria SGARAVIZZI-GARCIA e Gilo VAN HEEMS. Despí doi setmanas es Gilo que s’encarga dau cors. Prepauèt ai escolans de travalhar sus una banda dessenhada de PEYO : lu Schtroumpfs batejats Eschtrompfs en l’esper de trovar un nom mai niçard lo còup venent. Ièr de sera lo nòstre president Joan-Pèire SPIES nos faguèt l’onor de la sieu venguda e saludèt lo monde presents e tanben Joèla, una novèla escolana que participèt embé l’IEO-06 a un travalh d’escritura a la bibliotèca Raols MILLE. Per aquelu e aqueli que serian interessats de participar a n’aqueu cors, signalam que l’i son encara quauqui plaças e que lu ataliers de lenga son a jaba / a gratís. Basta pagar l’escotisson annuala íe 30,00€ per una persona e 38,00€ per una cobla. Lu animators v’esperan la setmana que vèn au C.A.L Bòn-Viatge (Pònt René COTY 06300 Niça) , arrèst Tram, linha 1 Pont Michel.
Lo magistre presenta la banda dessenhada ai escolans 
Crestian rende còmpte au grope-classa dau sieu travalh d’escritura
Lo president Joan-Pèire SPIES participèt au cors
NOS A(N) ESCRICH :
Anne-Marie Milardi :
Un gran plasir d’estudiar embé Gili, m’esperi que nen tornerà trovar pron lèu 💖
Françoise Dalbera :
V’aremercii Gilo per lo vòstre gaubi.
Véronique Milardi :
À nouveau un très bon moment. C’est vrai que Gilo est un super professeur. Même si on les aime tous et toutes bien entendu.
DESRUMEAUX Christian :
Es un moment qu’esperam cada dimarç ‘mé impaciença e gran plasir. Li e lu intervenents son pròpi de Magistres de la Lenga nòstra. Gramací en toi.
Gilles Lou Nissart :
Mercì, siatz toi d’estudiants estromfants, n’en sieu encà tot embralugat