La nòstra sòcia Alexandra DESMOULIN que viu e travalha a Tolosa despí cinc ans nen/nos faguèt l’onor e la jòia d’una sieu visita au cors de lenga de l’IEO-06 a Niça. Après quauqui minutas consacradi a parlar de la sieu vida dins lo mitan associatiu occitan en lo ròdol tolosenc, Alexandra nos donèt a legir un tèxte sieu « Crimis a Niça » que parlava d’un autritz niçarda Michèle PIEDINELLI. Aquesta autritz escriu en francés de romans policiers que si debanan en la nòstra region.
Per aquelu qu’aurian mancat l’article sieu vos remandam a Crimis a Niça. Auguram qu’aquò done envuèia au monde de legir aquestu « POLARDS ».
Lo rescòntre instructiu e fruchós en escambis s’acabèt per lo gòto de l’amistat e la pissaladièra e autri leconerias aduchi dai sòcis presents.
Desiram un bòn retorn a Alexandra e la convidam a n’escriure sempre de tèxtes de qualitat sus li lecturas sieui ò autri subjècts coma lo rugbi que la sabèm apassionada.