Cars amics e sòcis,
Un mes fa, a quauqua ren pròche, eraviam per carrieras a Besièrs embé 20 000 autres manifestants a mandar la nòstra crida « Òc per la lenga occitana ». Un moment istoric per toi aquelu que l’an viscut e qu’èran pòrta-bandieras de millierats d’autres que per de rasons diversi avion pas poscut li anar.
La crida de Besièrs es pas acabada, cadun dins lo sieu canton pòu, e dirii meme, deu faire firmar (signar) toi aquelu que si senton en armonia embé aquesta crida.
Es lo perque d’aquela rampelada, cadun deu adurre la sieu pèira a l’òbra colectiva. Basta faire firmar lu sieus amics, collègas de travalh, la sieu familha, eca…
Podetz estampar la fuelha dei firmas (signaturas) en peça joncha (PDF), li mandar directament ò li mandar a l’IEO-06 que farà segre.
De còr e d’òc.
Tornar li fuelhas a : Anem Òc, 14 av. d’Estienne d’Orves- BP 6011 – 34501 Besièrs
( podetz gardar una copia dei sostens recampats per donar a l’ieo-06)
Pensatz d’avisar lu coordinators de cen que fètz e dei resultats :
Anna-Maria Poggio : pamoc@club-internet .fr > 04 42 59 43 96 / 06 77 49 37 78
Miquèl Còsta : contact@manifestarperloccitan.com> tel. 06 86 00 66 39 / 04 67 31 18 91
Dau nòstre caire, au burèu de l’IEO-06, continuam lo nòstre travalh pròches lu elegits quauque sigon li tendenças politiqui, lu sindicats e lo monde associatiu.
