Resson dei imatges dau Blagaire de l’IEO-06 Jan-Jaume de Niça ven de nen mandar la sieu 10ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
La legenda dau còrb marin !
« Autre temps, autre luec » te diriá lo monde … pas tant segur qu’aquò !
Dins lo toalhon dei cigonhas nòstres, un toalhon ben nosat, tant mofle que solid, se pòu pas devinar monte lo preciós cargament serà desposat : dins una ròsa o dins un caulet ?
Alora, coma au nòstre, per aquelei parents ben aluenchats de nosautres, que vòlon gardar, maugrat lei mejans d’encuei, ràdio e ecografia, la suspresa a la jacina, lei còrbs marins, carrejan lo niston de deman dins un ferrat ben opac, en plaça d’un tant fragil bocau de veire transparent… qu’agradariá fòrça ben leis espinchaires de totei menas !
NB. Çò que nos es pas jamai dich : que son aqueleis aucèus, oficialament enregistrats de longa, en cò de Pau Emplec, qu’asseguran, totei leis ans, lo remplaçament dei cigonhas quora d’invern, s’en van, emé dindoletas e copavents, rescaufar seis alas, dins de país un pauc mai doç ?
JJ de Niça