Resson dei imatges dau Blagaire de l’IEO-06 Jan-Jaume de Niça ven de nen mandar la sieu 20ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
E viva la SNCF !
Volontat dau Pepy novèu de rendre, maugrat totei leis auvaris, lei viatges en trin de mai en mai plasents, fòrt dau famós principi que la musica adocís lei mors, la companhia, a passat temps nacionala, despuei quauquei temps, mete a disposicion dei viatjaires, emé un fais de precaucions de crenta que s’escampan solets, de pianòs dins lei salas d’esper dei grandas garas e de guitaras d’encuei dins lei pissadors deis òmes …
Fau aquí sotelinhar :
– qu’emé lo cambiament de l’estatut deis emplegats de la companhia se troba plus ges de dama « pisson » ; una fenda per i metre la tieuna peça de moneda sufís ara…
– que l’egalitat es pas per deman : s’es pas encara decidat quin instrument de musica se trobarà dins lei comuns dei fremas …
– aquelei qu’an jamai, per campanha, culhit lo romaniu e escampat l’aiga sus lei barrieras electricas tancadas a l’entorn de tropèus, aquí, tanben … cantaràn …
JJ de Niça