Resson dei imatges dau Blagaire de l’IEO-06 Jan-Jaume de Niça ven de nen mandar la sieu 43ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
Evidèncias
Estent que podèm reconòisser clar, de drecha a senèstra : lo pichin nanet, l’esposelet, lo det dau mitan e lo cura mortier, se pòu dire que manca que lo quicha pesolhs d’aquesta man drecha !
Estent que reston orfanèlas lei quatre rigas rojas de sang, se pòu pas èstre un occitan vertadier, ni cort ni costier, que raubèt tot l’aur flambejant de la bandièra d’Aragon !
Estent que l’article numerò 2 fuguèt pas gaire utulisat se pòu dire que li agrada pas, ai bèlei testarèlas, aquest tafanhòti deis ussas. Mai, emé aquesta fotò, se pòu ren dire sus l’usança dau roge dei labras d’aquestei tandems de maquilhatge !
Estent que lei bogias dei cilindres 1, 3 e 4 son tras que gausidas, se pòu dire que, de crenta de se trobar encalat, li fau menar urgentament la petroleta encò dau mecanician !
Gràcia en aquest « tapíssatge » policier se pòu dire qu’es pas eu, lo corset roge numerò 2, qu’escrivèt sus la paret dau consèu regionau, la crida venjativa d’un fuble d’estatjants dau nòstre, orfanèus de son nom : « dau tieu Sud, Brunon, ne’n volem pas ! »
Estent que 75 dau 100 agradan lo brave monde, en despiech dei pissavinaigres de totei menas, acostumats ai botelhas a mitat vuejas, se pòu dire que se lo gardarem lo morau !
JJ de Niça