Resson dei imatges dau Blagaire de l’IEO-06 Jan-Jaume de Niça ven de nen mandar la sieu 71ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
Barnabèu (1)
Despuei l’ipermercat marselhés dau « Grand Litorau » fins « La Polideta », l’embarcador per la Corsega e l’Africa dau Nòrd, va sabi, la franca davalada es ben corteta.
Mai, siáu encara a chifrar, calculator de darnièra generacion en man : en aquest dimenche matin, que fasiá tras que bèu, sensa comptar lo faudiu de sa frema, quant de viatges, emé sei braias tant grandas de talha, a faugut au brave Barbabèu per subrecargar, Ban z’Ais, la sieuna paura miola japonesa ?
E urosament qu’a jamai poscut, pas gaire desgordit lo tipe, descadenar lo mendre « caddie » ; li auriá faugut un parèu de buòus per tirassar l’atalatge !
PS : dau temps dau long viatge, sus lo batèu, faudriá mielhs que la ninèia, mans de pati, joguèsse … au Mikadòc en luoc de « un còp dessus, un còp dessota » …
(1) Barnabèu : una cançon de Jan-Bernat Plantevin
JJ de Niça