Convidat da l’IEO-06, Danièl DAUMAS auguèt lo gentum de venir animar doi vespradas a Niça e a Grassa dau temps dei ataliers de lenga. 70 personas de l’IEO-06 l’i participèron.
La tòca èra de sortir lu cors de lenga dau sieu « tran-tran », se si pòu dire, e de faire conoísser ai sòcis un artista que de despí d’annadas socializa la lenga per li sieu cançons, que sigon tant de tradicion coma de creacion.
A Niça coma a Grassa, li vespradas s’acabèron dins la convivialitat emb’au gòto de l’amistat e la còca dei reis.
Davant la capitada d’aquesti premieri seradas, pensam ja a d’autri animacions per l’annada 2010.
Li propòstas dei sòcis seràn li benvengudi de segur. Per aquelu que posquèron pas l’i èstre vos balham quauqui fòtos que devem per partida a Roger LEFRANC qu’aremerciam de la sieu ajuda.
