Premier diplòma d’Estat en lenga occitana per adults, lo diplòma de competença en lenga (DCL) es dubèrt a tot public : salariat, demandaire d’emplec, estagiari de la formacion professionala, estudiant, particular… S’inscriu dins una amira de desvelopament personal ò d’inseriment professional. Per passar lo DCL, inscrivètz-vos denant lo 28 de març dau 2017.
Estudiatz l’occitan (niçard, provençau, vivaro-aupenc…) en cors setmanier, estagi intensiu, per correspondença ò via internet ?
Conoissètz ja l’occitan e desiratz far valer la vòstra competença en tant qu’ensenhaire, formator de cors per adults, personal non ensenhant dei escòlas bilingüi ò per tota autra amira professionala ?
Dins toi aquestu cas, siatz en condicion de passar lo vòstre diplòma de competença en lenga occitana (DCL).
L’interés : aquesir una certificacion oficiala segon lu critèris dau quadre europenc per li lengas. Lo DCL existe per 13 lengas e es accessible sensa condicion de nacionalitat, de formacion, ò d’activitats professionalas prealablas. Lo DCL certifica la competença en lenga de comunicacion dins un usatge social ò professional.
Per ne’n saupre mai :
http://www.education.gouv.fr/cid55748/le-diplome-de-competence-en-langue-dcl.html
Per si marcar : https://dcl.education.gouv.fr/inscription/
Les inscriptions peuvent se faire aussi auprès du bureau des examens et concours du Rectorat. Les candidats doivent prendre contact avec eux pour constituer leur dossier.
En mai de l’Acadèmia de Niça, lo DCL-Occitan si pòu passar en li Acadèmias de Bordèu, Montpelhier e Tolosa.
Vorguessitz presentar lo DCL-Occitan aquest an, tardatz pas de vos marcar.
L’IEO-06 metrà en plaça una formacion per lu sieus sòcis se l’i a una demanda Se siatz pas encara sòci de l’IEO-06, basterà societar.
Lo nòstre President Joan-Pèire SPIES farà una formacion per lu candidats a la MJC Bòn-Viatge de Niça (bastiment ANIMANICE Pònt René COTTY) au terço plan. (Li datas seràn precisadi)
Lo diplòma si declina en 5 nivèus : A2, B1-1, B1-2, B2, C1.
Veire lo referencial de certificacion çai-sota :
La Session 2017 si debanerà lo dimècres 31 de mai dau 2017.
Vorguessiatz laissar un messatge en bas d’article vos aremerciam de passar per l’adreça : jpbaquie@yahoo.fr (per rason d’espams avèm deugut barrar lo forom dirèct : répondre à cet article).