Cars toi,
Es embé tristum que venèm d’emparar la despartida dau nòstre sòci e amic Marcèu MANCINI. Marcèu èra membre dau C.A de l’IEO-06 despí d’annadas. Fins ai darriers jorns avia vorgut èstre present ai nòstres acamps e portar la sieu pèira au clapier. La sieu presença nos balhava de vam e nos donava la fòrça de persegre l’òbra de la nòstra associacion. Era un òme, sorrisent, benvolent, volontós, fedèl tant en l’amistat coma en li sieu ideas umanisti.
Adieu Marcèu, adieu l’amic, siás anat rajónher Simòna que ti mancava tant.
La ceremònia si debanerà Dimarç 30.09 a 10.30 a GRASSA, a la glèia de Sant Jaume ( gaire luenh de la sala, parquejar Plaça F MISTRAL) seguida per la cremacion a CANAS a 03.00 oras de l’après-dinnar.
Serà vesible a l’athaneu de GRASSA partent de Divendres 26.09.
Presentam li nòstri complanchas adoloradi a la sieu familha tota.
NOS AN ESCRICH :
Bonjorn ,
2025 es una annada maudicha…après Andrieu Saïssi, Enric Achard, Marcèu a partit rejónher Simona ailamont dins leis estelas . Perdem mai qu’un amic, perdem
un òme onèst ,bòn, generós, aimant lo partiment e repectuós de totei lei valors umanas e ciutadanas. Perdem la memòria dau quartier « Bon Marché » a Grassa.
Adorava nos contar d’istorietas viscudas pendent son enfantesa entre toi lei comercis de proximitat. Era un esportiu, longtèmps, a afogat lo club de volley locau.
Fasiá partida dei bontós fins d’enquadrar lei joines dau « ski club de Grasse ». Fuguèt tanbèn lo clavaire de l’ I E O .06
Oc, jà, nos manca Marcèu, eu qu’aimava fòrça lei cors de lenga cada dimècres a Sant Jaume e que li agradava de dire de tèmps en tèmps de colhonadas…….
A tota sa familha, presentem lei nostreis condolènças francas e li fasent part de la nòstra mai granda afeccion .
Guiu e toi leis amics dau cors de lenga de Grassa .
Bonjour et merci pour ces jolis mots et beaux hommages à Papa. Bien à vous, Didier son fils.
Es amb’esmoguda qu’ai aprés que Marcèu nos a quitats. Despuei un molonàs d’annadas èra un cepon de l’IEO dau país grassenc.
Mai èra pas qu’aquò ! Mi jonhi de tot còr au bèl e tant just omenatge rendut per Guiu. Mei complanchas a la familha.
Un bèn bèu omenatge qu’avetz rendut au nòstre amic de totjorn, Marcèu. Gran merce Jòan-Peire, Gui. Que pèna de veire partir aquelei qu’aimanm…
Toutes mes condoléances à Didier et à tous ceux qui lui étaient proches et mille excuses si je ne sais pas écrire en occitan mais je le lis et le comprends très bien. Si mon frère, Christian GAIDO-DANIEL était encore de ce monde il l’aurait transmis en nissart ses condoléances.
Si pensaviam pas de veire l’amic Marcèu per lo darrier còup quora si siam recampats en Bergier la setmana passsada !
L’IEO-06 perde ancuei un sòci fedel que sempre siguèt present dins la vida de l’associacion, e un amic.
Au nom dau CA, que n’en faguèt partida fins a la sieu despartida, mandi a la familha, e finda a la seccion de Grassa, li nòstri complanchas adoloradi.
De còr
Joan-Pèire