Cara amiga, car amic,
Coma l’an passat, l’IEO-06 e lo sieu Cèucle local lo Gramon organizeràn la dictada occitana a Niça, lu sòcis dei cors de lenga de l’IEO-06 a Drap e Còntes l’i son tanben convidats.
Lu sòcis de Grassa e la Còla auràn la possibilitat coma l’an passat d’anar a Canas faire la dictada embé l’associacion amiga de l’Escomessa.
Aquest an serà Pascal Coletta, escrivan, professor d’escòla que nen farà l’onor de legir un tròç d’una òbra sieua.
Lo monde son doncas convidats de venir au C.A.L Bòn-Viatge (sala dei cors de lenga, au terço plan) a comptar de 2 oras e mieja per la dictada occitana.
Per Niça siatz pregats de vos marcar pròche d’un animator de lenga (Joan-Pèire ò Anna-Maria Sgaravizzi-Garcia), per Drap pròche Joan-Pèire Spies e Còntes pròche Marc Waltzer. Podètz finda vos marcar en bas d’article, basta laissar un messatge.
Coma l’an passat, la dictada s’acaberà per la remessa dei diplòmas e lo gòto de l’amistat.
Aquesta jornada, se festegerà la lenga occitana a Anglet, Arle, Aurenja, Aush, Barçac, Barcelona, Canas, Carcassona-Argon, Castras, Cáurs, Charreç, Dieulofèt, Foish, Gap, La Vercantièra, Lende-Clarmont, Limòtges, Lo-Puèi-de-Velai, Lo Sequèstre, Montalban, Mont Cuq, Narbona-Gruissan, Niça, Nimes, Orlhac, Ortès, Pinhans, Rodés, Sant-Africa, Sant-Flor,
Sant-Martin-lo-Redond, Sant-Seren, Seilhac, Sent-Lís, Setème-de-Provença, Soston, e Valéncia.