ESCORREGUDA BOTANICA A TIELH
Dimenge 5 de junh de 2005
L’amic Guiu Rami, sòci de Grassa, nos prepausa una escorreguda a la montanha de Tielh (1553 m.), lo dimenge 5 de junh venent. Aquesta sortida concerne de caminaires confiermats, ben equipats (cauçaduras, saca d’esquina, capèu, besicles de solèu, eca…). Partirem d’en Canaus (1092 m.) per rejónher Tielh, siá un desnivèu d’aperaquí 450 m. L’escorreguda durariá au manco 3 oras e mai, se s’arrestam, de temps en autre, per erbejar ò faire de fotòs.
L’orari qu’avèm previst es aquest :
– rendètz-vos a St Valier (a 12 qm. de Grassa per la N85, dicha Napoleon, direccion Castelana) a 8h e 15 au plus tard,
– regropament dei participants dins quauquei veituras que la plaça per s’aparcar defauta en Canaus, e partença a 8h e 30,
– aquelei qu’aurián mancat lo rendètz-vos, porrián prene lo camin despartamentau D5, direccion Torenc, puei Canaus dont començarem l’ecorreguda a 9h.
Se faurà portar la biaça dau dinnar e d’aiga.
Avisatz-nos de la vòstra participacion a la sortida au moment de l’atalhier de lenga ò en telefonant siá au 06 30 28 17 22, siá au 04 93 42 79 64.
A ben lèu, bessai. Amistats.
Guiu Rami e Andrieu Sàissi.