ACTU Setmana dau dimarç, lo 19 de decembre au diluns, lo 25 de decembre de 2 006
Dimarç, lo 19 de decembre de 2 006. E bonjorn ! Dimenche, lo 10 de decembre de 2006, se morrissèc a l’atge de nonanta-un ans, lo dictator chilian Augusto Pinochet. Isabèla Allende, la filha de l’ancian president chilian desvirat per Pinochet, regretèc que « justícia aii pas pogut achabar son òbra » amb la mòrt de l’ancian dictator, mas salua « una miea victòria ». « Penso als gents de Chile que patissèron, que se morissèron alora, penso au mieu paire, ben segur », declarèc Isabèla Allende. L’escrivana sotalinhèc que lo generau Pinochet « aguèc jamai las valors de s’acarar a justícia, de dire la veritat, de reconéisser las sieunas errors per sos crimes òrres ». En Espanha, los partits politiques de drecha tant coma de senèca sotalinhan que Pinochet es mòrt impunit, lo qualifiant mesme de « dictator sanguinari que sarè pas regretat ». A deman.
Dimècres, lo 20 de decembre de 2 006. E bonjorn ! Los (v’)uechanta ans de Castrò se debanèron sensa Castrò. Lo baile Massimo apareissèc pas dissande a la dubertura d’un passa-charriera en son onor a L’avana. Convalescent despiei mai de quatre meses, lo president cuban es plus ges apareissut en public despiei lo 26 de julhet. Degun papier, video nimai, per justifiar aquesta abséncia. I a quatre meses, subissèc una intervencion chirurgicala lorda que lo menèc a laissar lo poer au sieu fraire Raol. President per interime e perèu ministre de la defensa, Raol Castrò donèc lo despart d’un desfilat militari de doas oras, organizat perèu per lo cincantenari de l’entamenament per Fidel Castrò de la guerrilha que lo menèc au poer. A deman.
Dijòus, lo 21 de decembre de 2 006. E bonjorn ! Divèndres passat, a Lion, se debanèc lo forom de pre-campanha de l’U.M.P. La batalha entre Micolau Sarkosy e Michèla Alliot-Marie se consumèc, fin finala ! Un milierat de personas participèron a (n’)aqueste forom, au palais dels congrèsses de Lion. La passa d’armas entre lo solet candidat declarat a la presidenciala e aquela que laissa encara planar lo dobte sus sa decision foguèc benvengüa. Lo debate aguèc pas luèc lo sande 9 de decembre a París per lo premier forom, qualifiat de copia palle de las primàrias socialistas. Animat per Joan-Pèire Raffarin, reire chap-ministre, lo debate provesissèc eschambis animats, sobretot sus las institucions e Euròpa. M.A.M. deuria anonciar sa decision de se presentar o non a l’investitura de l’U.M.P. quora lo tresen e darrier forom de pre-campanha que se vai debanar encuèi, 21 de decembre, a Bordèu. A deman.
Divèndres, lo 22 de decembre de 2 006. E bonjorn ! La risca de guèrra civila es fòrta en Palestina que Hamas e Fatah son a cotèus tirats de longa e que la situacion s’enverina un pauc mai chasque jorn. Divèndres passat, lo carrech dau chap-ministre islamiste, Ismaïl Haniyeh, foguèc objècte de tirs que faguèron un mòrt e vint-e-set nafrats dels quaus lo quite fiu d’Haniyeh. Òmes dau Hamas e dau Fatah eschambièron còps de fuec e s’acarèron a Gaza e Ramallah en Cisjordania. Desenas de mila de simpatisaires dau Hamas participèron a un achampament mostre organizat dins un estadi per festear lo detz-e-noven anniversari de la creacion dau movement islamiste. Lo chap dau grope parlementari dau Hamas, Khalil Al-Hayya, avertissèc que Hamas s’opausaria a la tengüa d’un referendom o d’eleccions anticipaas dins territòris palestinians. Bòna dimenchaa… A diluns que ven.
Diluns, lo 25 de decembre de 2 006. E bonjorn ! Bòn Nové e bònas chalendas en totes ! A l’assemblaa nacionala, foguèc question dimècres, lo 13 de decembre, de las lengas e culturas dichas « regionalas ». Un amendament a l’article II de la constitucion foguèc despausat per lo deputat U.M.P. Marc Le Fur que prepausava d’apondre après « lo francés es la lenga de la Republica » la formula « dins lo respècte de las lengas regionalas que fan partia dau nòstre patrimòni ». Lo debate foguèc coma de costuma l’ocasion per los mai centralistes jacobins de repepiar las crenhenças escuòlaas de « balcanizacion » de França, d’achabament de la sacro-santa indevisibilitat de la Republica, d’atenhença a l’integritat dau territòri… Mas, per lo premier viatge, que fai mai d’un còp que la question es sotalevaa a l’assemblaa, la resulta dau vòte, mesme s’es negativa, mostra una aumentacion fòrta en favor de l’amendament que los « per » obtenguèron 44 votacions e los « contra » 57. Siam pas passat luenc. Assaiarem encara. A deman.
Micheu PRAT
Poetz retrobar lo texte d’aquesta cronica e linha sus lo site de l’I.E.O. Espaci Occitan dels Aups :
Las frequéncias d’Alpes 1 :
– Valeia dau Buech : 90
– País de Briançon : 102.6
– País d’Ambrun : 99.6
– País Gapian : 90.9
– País de Guilhestra : 104
– País de Sisteron : 91.6
– Valéia d’Ubaia : 97.5
– Queiràs : 90.8
– Grenoble : 101.6
Es possible d’escotar la radio Alpes 1 per Internet :
ACTU Semaine du mardi 19 décembre au lundi 25 décembre 2 006
Mardi 19 décembre 2 006. Et bonjour ! Dimanche 10 décembre 2006, est mort à l’âge de quatre-vingt-onze ans le dictateur chilien Augusto Pinochet. Isabelle Allende, la fille de l’ancien président chilien renversé par Pinochet, a regretté que « la justice n’ait pas pu finir son travail » avec la mort de l’ancien dictateur, mais elle salue « une demi victoire ». « Je pense aux gens du Chili qui ont souffert, qui sont morts alors, je pense à mon père, bien sûr », a déclaré Isabelle Allende. L’écrivain a souligné que le général Pinochet « n’a jamais eu les valeurs de faire face à la justice, de dire la vérité, de reconnaître ses erreurs pour ses crimes horribles ». En Espagne, les partis politiques de droite comme de gauche soulignent que Pinochet est mort impuni, le qualifiant même de « dictateur sanguinaire qui ne sera pas regretté ». À demain.
Mercredi 20 décembre 2 006. Et bonjour ! Les quatre-vingts ans de Castro se sont déroulés sans Castro. Le leader Maximo n’est pas apparu samedi à l’ouverture d’un défilé en son honneur à La Havane. Convalescent depuis plus de quatre mois, le président cubain n’est plus apparu en public depuis le 26 juillet. Aucun article ni aucune vidéo pour justifier cette absence. Il y a quatre mois, il a subi une intervention chirurgicale lourde qui l’a mené à laisser le pouvoir à son frère Raul. Président par interim et également ministre de la défense, Raul Castro a donné le départ d’un défilé militaire de deux heures, organisé aussi pour le cinquantenaire du lancement par Fidel Castro de la guérilla qui l’a conduit au pouvoir. À demain.
Jeudi 21 décembre 2 006. Et bonjour ! Vendredi dernier, à Lyon, s’est déroulé le forum de pré-campagne de l’U.M.P. La bataille entre Nicolas Sarkosy et Michèle Alliot-Marie s’est enfin consommée ! Un millier de personnes ont participé à ce forum, au palais des congrès de Lyon. La passe d’armes entre le seul candidat déclaré à la présidentielle et celle qui laisse encore planer le doute sur sa décision a été bienvenue. Le débat n’a pas eu lieu le samedi 9 décembre à Paris pour le premier forum, qualifié de pâle copie des primaires socialistes. Animé par Jean-Pierre Raffarin, ancien premier ministre, le débat a fourni des échanges animés, surtout sur les institutions et l’Europe. M.A.M. devrait annoncer sa décision de se présenter ou non à l’investiture de l’U.M.P. lors du troisième et dernier forum de pré-campagne que va se dérouler aujourd’hui, 21 décembre, à Bordeaux. À demain.
Vendredi 22 décembre 2 006. Et bonjour ! Le risque de guerre civile est fort en Palestine parce que le Hamas et le Fatah sont à couteaux tirés depuis longtemps et que la situation s’envenime un peu plus chaque jour. Vendredi dernier, le convoi du premier ministre islamiste, Ismaïl Haniyeh, a été l’objet de tirs qui ont fait un mort et vingt-sept blessés dont le fils-même d’Haniyeh. Les hommes du Hamas et du Fatah ont échangé des coups de feu et se sont affrontés à Gaza et Ramallah en Cisjordanie. Des dizaines de milliers de sympathisants du Hamas ont participé à un rassemblement monstre organisé dans un stade pour fêter le dix-neuvième anniversaire de la création du mouvement islamiste. Le chef du groupe parlementaire du Hamas, Khalil Al-Hayya, a averti que le Hamas s’opposerait à la tenue d’un référendum ou d’élections anticipées dans les territoires palestiniens. Bon week-end… À lundi prochain.
Lundi 25 décembre 2 006. Et bonjour ! Joyeux Noël et bonnes fêtes de fin d’année à tous. À l’assemblée nationale, il a été question mercredi 13 décembre, des langues et cultures dites « régionales ». Un amendement à l’article II de la constitution a été déposé par le député U.M.P. Marc Le Fur qui proposait d’ajouter après « le français est la langue de la République » la formule « dans le respect des langues régionales qui font partie de notre patrimoine ». Le débat a été, comme d’habitude, l’occasion pour les plus centralistes jacobins de rabâcher les craintes éculées de « balkanisation » de la France, de fin de la sacro-sainte indivisibilité de la République, d’atteinte à l’intégrité du territoire… Mais, pour la première fois, car cela fait plusieurs fois que la question est soulevée à l’assemblée, le résultat du vote, même s’il est négatif, montre une augmentation forte en faveur de l’amendement parce que les « pour » ont obtenu 44 voix et les « contre » 57. Nous ne sommes pas passés loin. Nous essaierons encore. À demain.