ACTU Setmana dau dimarç, lo 16 de janvier au diluns, lo 22 de janvier de 2 007
Dimarç, lo 16 de janvier de 2 007. E bonjorn ! Succès dau plan « Alèrta raubatòri ». Dos levaments foguèron esclarzís en quaranta-e-(v’)uech oras. Los meinats dispareissús dijòus e divèndres passás foguèron lèu localizás tant coma lors raubaires p’r amor de las entresenhas provesias per las personas qu’avian auvís los messatges audio-visuaus dau ministèri dau dedins. Despiei sa mesa en aplicacion premièra en julhet de 2006, son lo segond e tresen viatges qu’es utilizá aquèu dispositiu eritá dels modèls estats-unian e canadian diches « Amber Alert ». Mandat dijòus passá, après la disparicion, la vèlha, d’un dròlle d’onge ans e de sa sòrre de (v’)uech ans dins Ivelinas, avia permes de tornar trobar lèu los pechons amb un vesin descrich coma handicapat mentau leugier, tre lo lendeman. Divèndres, èra un norriçon de quinge jorns, lo pechon Bilel, que dispareissia, raubat a l’espitau de Montfermelh en Seina-Sant-Denís. Foguèc perèu retrobá tre lo lendeman a Bretinhí-sus-Òrge p’r amor lo video-regardaor, installá dins los carris, que permetèc de reperar Linda, la jova raubairitz. Per lo moment, aqueste plan fonciona ben. A deman.
Dimècres, lo 17 de janvier de 2 007. E bonjorn ! En grandas pompas foguèc adobá lo Micolau Sarkòzy dimenja a París Pòrta de Versalhas. Lo faste de la ceremonia d’investitura foguèc d’un luxe insultant per la paurilha de la Republica. 50 mila personas reçaupüas dins un aparat qu’a ren d’enviar au sacre napoleonian aclamèron lo candidat solet a la candidatura despiei lo retrach de Michèla Alliòt-Maria e l’allegéncia, fin finala, dau quite Domergue Galouzeau De Villepin. Solet contestaire de subsistir, lo deputat Micolau Dupont-Aignan, foguèc condemná a demissionar de l’UMP que la paraula li foguèc refusaa a la tribuna dau Grand Adobament. Abséncia remarcaa, aquèla dau Jaume Chirac qu’a totjorn pas dicha son idea pertochant una candidatura sieuna. En novembre de 2004, quora l’accession de Sarkòsy a la presidéncia de l’UMP, mandèc sa femna Bernadèta coma representanta. Mas aquèu viatge, pas ges. A deman.
Dijòus, lo 18 de janvier de 2 007. E bonjorn ! Participatz a la mai gròssa mobilizacion dels ciutadans contra lo chamjament climatique ! L’Aliança per la Planèta (gropament nacionau d’associacions environamentalas) manda un rampèu simple a tots los ciutadans, cinc minutas de pausa per la planèta : tot lo monde amorça sas velhas e lutz lo 1er de febrier de 2007 entre (v’)uech oras manca cinc e (v’)uech oras. S’agís pas d’esparnhar cinc minutas d’electricitat unicament aqueste jorn, mas d’atraire l’atencion dels ciutadans, dels medias e dels decideires sus lo degalhatge d’energia e l’urgéncia de passar a l’accion ! cinc minutas de pausa per la planèta : aquò pren pas gaire de temps, costa ren, e mostrarè als candidats a la presidenciala que lo chamjament climatique es un subjècte que dèu pesar dins lo debate politique. Perque lo 1er de febrier ? Sortirè, aqueste jorn, a París, lo rapòrt novèu dau grope d’experts climatiques de las Nacions Unias. Aqueste eveniment se debanarè en França : chau pas laissar passar aquesta ocasion de virar los projectors chap a l’urgéncia de la situacion climatica mondiala. A deman.
Divèndres, lo 19 de janvier de 2 007. E bonjorn ! Dissande passá, Ismaïl Haniyeh, chap ministre palestinian gessí dau Hamas, acusèc Estats-Unís de voler entraïnar Palestinians dins una guèrra civila. A rampelá son pòple a arrestar la violéncia davant l’arribaa de la secretairitz d’estat estats-uniana Condoleezza Rice dins la region. Aquesta arribèc just en començança de l’après-dinnar en Israël, etapa premièra de sa viraa au levant pròchi. Haniyeh detalhèc una estrategia que poiria empachar la division dels Palestinians « objectiu, segon èu, d’Israël e dels Estats-Unís ». Sotalinhèc l’importança d’aparar l’unitat nacionala palestiniana, de cessar las violéncias e las campanhas d’incitacion dins medias entre los movements Hamas e Fatah. Recomendèc de tornar au dialògue per formar un govern d’union nacionala. « Las politicas estats-uniana e israeliana cherchan a botar lo pòple palestinian dins la fornesa de la guèrra civila », declarèc lo chap ministre. Bòna dimenchaa… A diluns que ven !
Diluns, lo 22 de janvier de 2 007. E bonjorn ! Natalia Gettliffe, condemnaa en decembre a sege meses de preson per la justícia canadiana per lo raubatòri de sos dos ainats, retrobèc los sieus dissande, lo 13 de janvier, dins lo vilatjon ardeschés de Sant-Alban d’Ai. « Ieu, eira, me vau repausar. » declarèc la femna jova de 35 ans davant sa maison, son companhon a son costat, tota sorrisenta amb son pechon darrier Martin, quatre meses, dins un breç, e lor premier dròllet, Joan-Felipe, detz-e-set meses, dins los brasses de son òme. Francés Gruzelle explicava : « dirè ren, encuei. » Natalia Gettliffe sortèc de la maison d’arrest de Fleury-Mérogis, dins Essona, p’r amor una liberacion condicionala parentala, amb son pechon Martin, naissut en detencion au Canada lo 26 de setembre darrier. Dintrèc en Ardescha en veitura amb d’amics originaris de la region parisenca. A deman.
Micheu PRAT
Poetz retrobar lo texte d’aquesta cronica e linha sus lo site de l’I.E.O. Espaci Occitan dels Aups :
Las frequéncias d’Alpes 1 :
– Valeia dau Buech : 90
– País de Briançon : 102.6
– País d’Ambrun : 99.6
– País Gapian : 90.9
– País de Guilhestra : 104
– País de Sisteron : 91.6
– Valéia d’Ubaia : 97.5
– Queiràs : 90.8
– Grenoble : 101.6
Es possible d’escotar la radio Alpes 1 per Internet :
ACTU Semaine du mardi 9 janvier au lundi 15 janvier 2 007
Mardi 16 janvier 2 007. Et bonjour ! Succès du plan « Alerta enlèvement ». Deux enlèvements ont été éclaircis en quarante-huit heures. Les enfants disparus jeudi et vendredi derniers ont été rapidement localisés tout comme leurs ravisseurs grâce aux renseignements fournis par les personnes qui avaient entendu les messages audio-visuels du ministère de l’intérieur. Depuis sa première mise en application en juillet 2006, ce sont les deuxième et troisième fois qu’est utilisé ce dispositif hérité des modèles américain et canadien appelés « Amber Alert ». Envoyé jeudi dernier, après la disparition, la veille, d’un garçon de onze ans et de sa sœur de huit ans dans les Yvelines, l’appel à témoins avait permis de retrouver rapidement les enfants avec un voisin décrit comme handicapé mental léger, dès le lendemain. Vendredi, c’était un nourrisson de quinze jours, le petit Bilel, qui disparaissait, enlevé à l’hôpital de Montfermeil en Seine-Saint-Denis. Il a été aussi retrouvé dès le lendemain à Brétigny-sur-Orge grâce à la vidéo-surveillance installée dans les cars, qui a permis de repérer Linda, la jeune ravisseuse. Pour le moment, ce plan s’avère fonctionner à merveille. À demain.
Mercredi 17 janvier 2 007. Et bonjour ! En grandes pompes a été adoubé Nicolas Sarkozy dimanche à Paris Porte de Versailles. Le faste de la cérémonie d’investiture a été d’un luxe insultant pour les pauvres de la République. 50 mille personnes reçues dans un apparat qui n’a rien à envier au sacre napoléonien ont acclamé l’unique candidat à la candidature depuis le retrait de Michèle Alliot-Marie et l’allégence, finalement, même de Dominique Galouzeau De Villepin. Seul contestataire à subsister, le député Nicolas Dupont-Aignan, a été condamné à démissionner de l’UMP parce que la parole lui a été refusée à la tribune du Grand Adoubement. Absence remarquée, celle de Jacques Chirac qui n’a toujours pas dit son idée concernant sa propre candidature. En novembre 2004, lors de l’accession de Nicolas Sarkosy à la présidence de l’UMP, il avait envoyé sa femme Bernadette pour le représente. Mais cette fois, pas de présence du tout. À demain.
Jeudi 18 janvier 2 007. Et bonjour ! Participez à la plus grosse mobilisation de citoyens contre le changement climatique ! L’Alliance pour la Planète (groupement national d’associations environementales) lance un appel simple à tous les citoyens, cinq minutes de répit pour la planète : tout le monde éteint ses veilles et lumières le 1er février 2007 entre huit heures moins cinq et huit heures. Il ne s’agit pas d’économiser cinq minutes d’électricité uniquement ce jour-là, mais d’attirer l’attention des citoyens, des médias et des décideurs sur le gaspillage d’énergie et l’urgence de passer à l’action ! cinq minutes de répit pour la planète : cela représente peu de temps, ça ne coûte rien, et ça montrera aux candidats à la présidentielle que le changement climatique est un sujet qui doit peser dans le débat politique. Pourquoi le 1er février ? Sortira, ce jour-là, à Paris, le nouveau rapport du groupe d’experts climatiques des Nations Unies. Cet événement se passera en France : il ne faut pas laisser passer cette occasion de braquer les projecteurs sur l’urgence de la situation climatique mondiale. À demain.
Vendredi 19 janvier 2 007. Et bonjour ! SAmedi dernier, Ismaïl Haniyeh, premier ministre palestinien issu du Hamas, a accusé les États-Unis de vouloir entraîner les Palestiniens dans une guèrre civile. Il a appelé son peuple à cesser la violence avant l’arrivée de la secrétaire d’état américaine Condoleezza Rice dans la région. Celle-ci arrivait justement en début d’après-midi en Israël, première étape de sa tounée au Moyen Orient. Haniyeh a détailé une stratégie qui viserait à empêcher la division des Palestiniens « objectif, selon lui, d’Israël et des États-Unis ». Il a souligné l’importance de défendre l’unité nationale palestinienne, de cesser les violences et les campagnes d’incitation dans les médias entre les mouvements du Hamas et du Fatah. Il a recommandé le retour au dialogue pour former un gouvernement d’union nationale. « Les politiques américaine et israélienne cherchent à pousser le peuple palestinien dans la fournaise de la guèrre civile », a déclaré le premier ministre. Bon week-end… À lundi prochain !
Lundi 22 janvier 2 007. Et bonjour ! Nathalie Gettliffe, condamnée en décembre à seize mois de prison par la justice canadienne pour l’enlèvement de ses deux aînés, a retrouvé les siens le samedi 13 janvier, dans le petit village ardechois de Saint-Alban d’Ay. « Moi, maintenant, je vais me reposer. » a déclaré la jeune femme âgée de 35 ans devant sa maison, son compagoon à ses côtés, toute souriante avec son dernier né Martin, quatre mois, dans un couffin, et leur premier enfant, Jean-Philippe, dix-sept mois, dans les bras de son compagnon. Francis Gruzelle a expliqué : « elle ne dira rien, aujourd’hui. » Nathalie Gettliffe est sortie de la maison d’arrêt de Fleury-Mérogis, dans l’Essonne, grâce à une libération conditionnelle parentale, avec son petit bébé Martin, né en détention au Canada le 26 septembre dernier. Elle est rentrée en Ardêche en voiture avec des amis originaires de la région parisienne. À demain.