ACTU Setmana dau dimarç, lo 23 de janvier au diluns, lo 29 de janvier de 2 007
Dimarç, lo 23 de janvier de 2 007. E bonjorn ! La fortuna dels candidats a l’eleccion presidenciala francésa fa raiar pas mau de tencha. Li vau de mon coblet pechon de cronicaire. Despiei 1998, los candidats a l’Elisea devon declarar son patrimòni. La lei lor impausa… de remetre au Conselh Constitucionau un estat dels luecs de la lor situacion. La Dòna Voynet foguèc la premiera de mandar sa declaracion. Es pas assubjectia a L’I.S.F. (l’Impòste de Solidaritat sus la Fortuna) creat en 1989 tant coma Arlèta Laguiller, Maria-Jòrgia Buffet, Francés Bayrou, Olivier Besancenòt e Felipe De Villiers. Au contrari, li son assubjectís Segolèna Royal (per la segonda annaa), Micolau Sarkòsy (despiei un an) e Jean-Marie Le Pen que compta desvelar l’estat dau sieu patrimòni solament quora “tot lo monde l’aurè fach”. Au moment de metre son bulletin dins l’urna, saran chausa que comptaran… o pas ? A deman.
Dimècres, lo 24 de janvier de 2 007. E bonjorn ! Lo GIGN sos lo tuert. Lo Grope d’Intervencion de la Gendarmaria Nacionala, celèbre còrs d’elèit, ven de perdre un de sos òmes. A Gensac sus Garona, quora una intervencion, lo gendarma foguèc tuá per un fòra-sen divèndres de sera. Per mestrear lo forsenat embarrá dins son ostau, l’unitat d’elèit s’introdusèc dins la maison e l’òme tirèc, tuant un gendarma e ne’n nafrant dos autres. Aquò nos rementa la dangierositat dau mestier e especialament l’exposicion d’aquelos super-gendarmas qu’intervenon dins operacions sovent delicaas e de risca (n’)auta. L’unitat d’elèit que compren encuei a pauc pres cent-seissanta òmes, es basaa a Satòri, prochi Versalhas. Sa reputacion d’excelléncia data de 1994 quora la presa de contraròtle per quatre piratas de l’èr d’un A tres cent (v’)uechanta (380) d’Air-France a l’aeropòrt d’Alger, una velha de Nové. Un seissantenat de passatgiers foguèc liberá mas tres ostatges foguèron abatús des quaus un francés. L’endeman dins la nuèch, l’assaut sus l’aeropòrt de Marselha-Marinhana entraïnèc la mòrt dels quatre terroristes e se deplorèc sege nafrats solament demieg los ostatges e nòu demieg los gendarmas. A deman.
Dijòus, lo 25 de janvier de 2 007. E bonjorn ! Presidenciala estats-uniana. Hillary Clinton se manda dins la campanha. Una First Lady que se vòu la taula ovala per èla, vaquí un inedit dau caire de l’Ostau Blanc, a Oachingtòn. “Li vau, e li vau per ganhar” anoncièc dissande passat la femna dau Bill, lo reire president estats-unian. La senatritz democrata crea un comitat exploratòri per sa candidatura a la presidenciala de 2008. (v’)Uech ans après aguer laissaa la Maison Blancha, ambiciona de li tornar. Afirma dins una letra e sus son site Interret : « Es una eleccion fòrça importanta amb questions gròssas a la clau. Coma faire per metre fin onorablament a la guèrra d’Iraq ? Coma garantir l’accès a un sistèma de santat viable per chasque estats-unian ? » Dins qu’aquí, promes de faire « tot ce qu’es en son poer per limitar los degalhs de l’administracion Bush. » A deman.
Divèndres, lo 26 de janvier de 2 007. E bonjorn ! Los Justes de França onorás au Panteon. Dijòus, lo 18 de janvier, se debanèc au Panteon de París un omenatge als dos mila set cents Justes de França e als eròis anonimes que sauvèron milierats de jusieus de la mòrt dau temps de la segonda guèrra mondiala. Jaume Chirac rendèc l’omenatge de l’Estat a tot aquèu brave monde qu’escondèron, qu’aparèron e qu’auberjèron jusieus a la risca de la lor vita. « Lo combate dels Justes per la toleréncia, contra l’antisemitisme e lo racisme es una batalha totjorn recomençaa », declarèc lo Chap de l’Estat. « Vos, Justes de França, avetz transmes a la nacion un messatge essenciau, per encuei e per deman : lo refús de l’indiferéncia e de l’emborniament ». Apondèc que « lo regime de Vichí, clica revenjairitz e odiosa, foguèc un desonor per França ». Bòna dimenchaa… A diluns que ven !
Diluns, lo 29 de janvier de 2 007. E bonjorn ! Bruno Gollnisch, lo numerò dos dau FN, foguèc condemná dijòus, lo detz-e-(v’)uech de janvier a tres meses de preson amb sosta per lo tribunau correccionau de Lion. Èra perseguí per « Contèsta de l’existéncia de crimi contra l’umanitat per paraulas ». Lo jorn de l’omenatge rendú als Justes, lo tribunau exigèc en otra dau bras drech de Le Pen, recentament elegí a la testa dau grope novèu de la drecha extrema au Parlament europenc, que financièssi la publicacion d’aqueste jutjament dins la premsa. Avia prononciás aquelos prepauses odioses quora una conferéncia de premsa a Lion lo (v’)onge d’otòbre de 2004. Avia declará : « Remeto pas en question las deportacions ni los milions de mòrts dels camps nazis mas quant a saupre lo biais qu’aquèlas gents son mòrtas, aqueste debate se dèu debanar ». La sanccion dau Bruno Gollnisch es assortia d’una emenda de cincanta-cinc mila euros. A deman.
Micheu PRAT
Poetz retrobar lo texte d’aquesta cronica e linha sus lo site de l’I.E.O. Espaci Occitan dels Aups :
Las frequéncias d’Alpes 1 :
– Valeia dau Buech : 90
– País de Briançon : 102.6
– País d’Ambrun : 99.6
– País Gapian : 90.9
– País de Guilhestra : 104
– País de Sisteron : 91.6
– Valéia d’Ubaia : 97.5
– Queiràs : 90.8
– Grenoble : 101.6
Es possible d’escotar la radio Alpes 1 per Internet :
ACTU Semaine du mardi 23 janvier au lundi 29 janvier 2 007
Mardi 23 janvier 2 007. Et bonjour ! La fortune des candidats à l’élection présidentielle française fait couler beaucoup d’encre. J’y vais de mon petit couplet de chroniqueur. Depuis 1998, les candidats à l’Élysée doivent déclarer leur patrimoine. La loi leur impose… de remettre au Conseil Constitutionnel un état des lieux de leur situation. Madame Voynet a été la première à envoyer sa déclaration. Elle n’est pas assujettie à L’I.S.F. (l’Impôt de Solidarité sur la Fortune) créé en 1989 tout comme Arlette Laguiller, Marie-George Buffet, François Bayrou, Olivier Besancenot et Philippe De Villiers. Au contraire, y sont assujettis Ségolène Royal (pour la seconde année), Nicolas Sarkosy (depuis un an) et Jean-Marie Le Pen qui compte dévoiler l’état de son patrimoine seulement quand “tout le monde l’aura fait”. Au moment de mettre son bulletin dans l’urne, ce seront des choses qui compteront… ou qui ne compteront pas ? À demain.
Mercredi 24 janvier 2 007. Et bonjour ! Le GIGN sous le choc. Le Groupe d’Intervention de la Gendarmerie Nationale, celèbre corps d’élite, vient de perdre un de ses hommes. À Gensac sur Garonne, lors d’une intervention, le gendarme a été tué par un forcené vendredi soir. Pour maîtriser le forcené enfermé chez lui, l’unité d’élite s’est introduite dans la maison du déséquilibré et celui-ci a fait feu, tuant un gendarme et en blessant deux autres. Cela nous rappelle la dangerosité du métier et particulièrement l’exposition de ces super-gendarmes qui interviennent dans des opérations souvent delicates et à haut risque. L’unité d’élite qui comprend aujourd’hui environ cent-soixante hommes est basée à Satory, près de Versailles. Sa réputation d’excellence date de 1994 lors de la prise de contrôle par quatre pirates de l’air d’un A trois cent quatre-vingts (380) d’Air-France à l’aéroport d’Alger, une veille de Noël. Une soixantaine de passagers avait été libérée mais trois ôtages avaient été abattus dont un français. Le lendemain dans la nuit, l’assaut sur l’aéroport de Marseille-Marignane avait entraîné la mort des quatre terroristes et on avait déploré seize blessés seulement parmi les ôtages et neuf parmi les gendarmes. À demain.
Jeudi 25 janvier 2 007. Et bonjour ! Présidentielle américaine. Hillary Clinton se lance dans la campagne. Une First Lady qui veut la table ovale pour elle-même, voilà un inédit du côté de la Maison Blanche, à Washington. “j’y vais, et j’y vais pour gagner” a annoncé samedi dernier la femme de Bill, l’ex-président américain. La sénatrice démocrate crée un comité exploratoire pour sa candidature à la présidentielle de 2008. Huit ans après avoir quitté la maison blanche, elle ambitionne d’y revenir. Elle affirme dans une lettre et sur son site Internet : « C’est une élection très importante avec de grandes questions à la clef. Comment faire pour mettre fin honnorablement à la guerre en Irak ? Comment garantir l’accès a un système de santé viable pour chaque américain ? » Jusque là, elle promet de faire « tout ce qui est en son pouvoir pour limiter les dégâts de l’administration Bush ». À demain.
Vendredi 26 janvier 2 007. Et bonjour ! Les Justes de France honnorés au Panthéon. Le jeudi 18 janvier, s’est déroulé au Panthéon de Paris un hommage aux deux mille sept cents Justes de France et aux héros anonymes qui sauvèrent des milliers de juifs de la mort au cours de la deuxième guerre mondiale. Jacques Chirac a rendu l’hommage de la Nation à tout ces braves gens qui ont caché, protégé et hébergé des juifs au péril de leur vie. « Le combat des Justes pour la tolérence, contre l’antisémitisme et le racisme est un combat toujours recommencé », a déclaré le Chef de l’État. « Vous, Justes de France, vous avez transmis à la Nation un message essentiel, pour aujourd’hui et pour demain : le refus de l’indifférence et de l’aveuglement ». Il a ajouté que « le régime de Vichy, clique revancharde et haineuse, a été un déshonneur pour la France ». Bon week-end… À lundi prochain !
Lundi 29 janvier 2 007. Et bonjour ! Bruno Gollnisch, le numéro deux du FN, a été condamné le jeudi dix-huit janvier à trois mois de prison avec sursis par le tribunal correctionnel de Lyon. Il était poursuivi pour « Contestation de l’existence de crime contre l’humanité par paroles ». Le jour-même de l’hommage rendu aux Justes, le tribunal a exigé en outre du bras droit de Le Pen, récemment élu à la tête du nouveau groupe d’extrême-droite au Parlement européen, qu’il finance la publication de ce jugement dans la presse. Il avait prononcé ces propos haineux lors d’une conférence de presse à Lyon le onze octobre 2004. Il avait déclaré : « Je ne remets pas en question les déportations ni les millions de morts des camps nazis mais, quant à savoir la façon dont ces gens sont morts, ce débat doit avoir lieu ». La sanction de Bruno Gollnisch est assortie d’une amende de cinquante-cinq mille euros. À demain.