A Dieu, amias, amics !

Es lo darrier còp que recebetz mas cronicas. La darrièra sarè aquèla dau luns, lo 30 d’abriu de 2007. Ai pres plaser de menar aqueste trabalh mai ven un pauc pesug e vòlo esparnhar de temps per ma familha. Amistats en totas e totes.

ACTU Setmana dau dimarç, lo 24 d’abriu au diluns, lo 30 d’abriu de 2 007

Dimarç, lo 24 d’abriu de 2 007. E bonjorn ! Los francés an votá. Dimenja, per lo premier torn de l’eleccion presidenciala, los franceses son anás massissament vers las urnas. La participacion se monta a (v’)uechanta-e-quatre dels cent de votaires, ce qu’es encoratjant per la democracia. Lo torn segond opausarè, coma previst, Micolau Sarcòsi e Segolèna Royal. Siam dins un estat pregondament de drecha. S’apondem totas las votz de la drecha, dau FN, dels chassaires, dels sociaus democrates, dels democrates sociaus e dels ecologistas que votèron per lo tractat de constitucion liberala europenca, es a dire totes aquelos que viran pas l’eschina au capitalisme liberau, arribem a una soma de 78 dels cent dels electors. Una tendéncia que capitarem pas aisaament d’inversar. Sieu puslèu pessimista, eira, per l’avenir. La planèta a de marrita sang de se faire. Los jases populars van sofrir coma foguèc jamai lo cas. Los borgeses, los patrons e los accionaris borsiers van contunhar de se’n fotre plen las pòchas. A deman.

Dimècres, lo 25 d’abriu de 2 007. E bonjorn ! Ostatges dels Talibans. Raubás lo 3 d’abriu sus una rota de la província de Nimròz, au sud-oest d’Afganistan, dos volontaris franceses de l’O.N.G. Tèrra d’Enfança, son totjorn retengús per los Talibans. Detz jorns après la lor disparicion, Celina e Eric son apareissús sus una video obtengüa per la chaena canadiana CBC e difusia per la chaena panaràbia Al-Jazirá. Menacias grèvas pesan sus los cinc ostatges, los dos volontaris e lors tres acompanhaires afgans. Dins un ultimatom mandá divèndres de sera, los raubaires Talibans demandan la liberacion de presoniers e lo despart de las tropas francesas d’Afganistan. Declarèron que los ostatges sarian tuás lor revendicacion foguessi pas satisfacha d’aquí una setmana. Hamid Karzai, lo president afgan, exclús d’eschamjar presoniers Talibans contre ostatges. A deman.

Dijòus, lo 26 d’abriu de 2 007. E bonjorn ! Chaple als Estats-Unís. Un estudiant de 23 ans, Cho Seung-Hui tuèc 32 personas diluns, lo 16 d’abriu sus lo campus de Virginia Tech. Representa la mai gròssa fusilhaa comesa als Estats-Unís dins un establiment escolar. L’autor de la tuaria avia mandá videos a la chaena de television NBC e lor difusion provoquèc polemica e alimentèron las questions sus lo biais que l’estudient poguèc eschapar a la vigilància de las autoritats. Armá, Cho Seung-Hui pausava, uelhs plen d’òdi e declarava : « M’avetz butá dins mas retrachas darrièras e m’avetz pas laissá la chausia. » Reperá tre 2005 per la polícia dins un afaire d’agarriment d’estudiantas, puèi mandá en espitau psiquiatrique, encara passá davant un jutge, se pòt demandar coma aqueste estudiant poguèc passar lo malhum. A deman.

Divèndres, lo 27 d’abriu de 2 007. E bonjorn ! Dins la dralha dels Escartons. Dijòus, lo 19 d’abriu, se denanèc a Montgenèbra un rescontre de dotge comunautats de comunas dels dos caires de la frontièra estatala per engimbrar un biais novèu de cooperacion transfrontalièra. Un nom doble foguèc chausí per l’associacion novèla : CHAV (Conférence des HAutes Vallées) costat francés e CAV (Conferenza degli Alte Valli) costat italian. Ce qu’es un pauc riducule. Eissublièron juste qu’una lenga comuna poia remplaçar la doble denominacion que, d’un caire coma de l’autre, es l’occitan la lenga comuna e que « Conferéncia de las Valaas Autas » se poia comprendre per los estajants dels reire escartons. Belèu que dins l’encastre dels eschambis culturaus sarè prevista una plaça per la lenga nòstra. Ren de segur quora sabem coma l’occitan es neá costat francés quora es reconeissú coma co-oficiau per nòstres amics italians. Bòna dimenchaa… A diluns que vèn !

Diluns, lo 30 d’abriu de 2 007. E bonjorn ! E bè li siam ! La vaquí, ma darrièra cronica. Vos regracio fòrça, bravas auditritz e braves auditors. Avèm passá ensems quauques bons moments, despiei tres ans… e eissubliarei jamai los messatges de simpatia e d’encoratjament que me manderatz sovèntas fes. L’occitan a la radio es una necessitat, tant coma a la television e dins los autres medias. Aups 1 li a totjorn vougú laissar de plaça. Que la direccion sieie aquí chalorosament regraciaa. Se i a d’amatritz e d’amators per prendre ma succesion, agantar lo flambèu, saran benvengús. Mai, sobretot, per totes aquelos que pòon, parlatz la lenga als vòstres meinats, demandatz a l’escòla la plaça que li reven, sollicitatz vòstres elegís per sa reconeissança vertadièra. Participaratz coma aquò a li tornar donar sa dignitat. Contuhnatz d’aparar e de promoure la lenga nòstra que li disiatz patoas, aupenc o occitan. Bòna òbra e bòna contunhacion. A la revista.

Micheu PRAT

Poetz retrobar lo texte d’aquesta cronica e linha sus lo site de l’I.E.O. Espaci Occitan dels Aups :

http://www.espaci-occitan.com

Las frequéncias d’Alpes 1 :

– L’Argentiera : 100
– Valeia dau Buech : 90
– País de Briançon : 102.6
– País d’Ambrun : 99.6
– País Gapian : 90.9
– País de Guilhestra : 104
– País de Sisteron : 91.6
– Valéia d’Ubaia : 97.5
– Queiràs : 90.8
– Grenoble : 101.6

Es possible d’escotar la radio Alpes 1 per Internet :

http://alpesdusud.alpes1.com/

ACTU Semaine du mardi 24 avril au lundi 30 avril 2 007

Mardi 24 avril 2 007. Et bonjour ! Les français ont voté. Dimanche, pour le premier tour de l’élection présidentielle, les français sont allés massivement aux urnes. La participation s’élève à quatre-vingt-quatre pour cent de votants, ce qui est encourageant pour la démocratie. Le second tour opposera, comme prévu, Nicolas Sarkosy et Ségolène Royal. Nous sommes dans un état profondemment de droite. Si l’on ajoute toutes les voix de la droite, du FN, des chasseurs, des sociaux démocrates, des démocrates sociaux et des écologistes qui ont voté pour le traité de constitution libérale européenne, c’est à dire tous ceux qui ne veulent pas tourner le dos au capitalisme libéral, nous arrivons à un total de 78 pour cent des électeurs. Une tendance que nous n’arriverons pas facilement à inverser. Je suis plutôt pessimiste, maintenant, pour l’avenir. La planète a du mauvais sang à se faire. Les couches populaires vont souffrir comme ce ne fut jamais le cas. Les bourgeois, les patrons et les actionnaires boursiers vont continuer de s’en mettre plein les pognes. À demain.

Mercredi 25 avril 2 007. Et bonjour ! Otages des Talibans. Enlevés le 3 avril sur une route de la province de Nimroz, au sud-ouest de l’Afganistan, deux volontaires français de l’O.N.G. Terre d’Enfance, sont toujours retenus par les Talibans. Dix jours après leur disparition, Céline et Éric sont apparus sur une vidéo obtenue par la chaîne canadienne CBC et diffusée par la chaîne panarabe Al-Jazira. De lourdes menaces pèsent sur les cinq otages, les deux volontaires et leurs trois accompagnateurs afgans. Dans un ultimatum envoyé vendredi soir, les ravisseurs Talibans demandent la libération de prisonniers et le départ des troupes françaises d’Afganistan. Ils ont déclaré que les otages seraient exécutés si leurs revendications n’étaient pas satisfaites d’ici une semaine. Hamid Karzaï, le président afgan, exclut d’échanger des prisonniers Talibans contre les otages. À demain.

Jeudi 26 avril 2 007. Et bonjour ! Tuerie aux États-Unis. Un étudiant de 23 ans, Cho Seung-Hui a tué 32 personnes le lundi 16 avril sur le campus de Virginia Tech. Cela représente la plus grosse fusillade commise aux États-Unis dans un établissement scolaire. L’auteur du massacre avait envoyé des vidéos à la chaîne de télévision NBC et leur diffusion a provoqué una polémique et alimenté les questions sur la manière dont l’étudiant a pu échapper à la vigilance des autorités. Armé, Cho Seung-Hui pausait, les yeux pleins de haine, et déclarait : « Vous m’avez poussé dans mes derniers retranchements et vous ne m’avez pas laissé le choix. » Repéré dès 2005 par la police dans une affaire de harcèlement d’étudiantes, puis envoyé en hôpital psychiatrique, encore passé devant un juge, on peut se demander comment cet étudiant a pu passer à travers les mailles. À demain.

Vendredi 27 avril 2 007. Et bonjour ! Dans l’esprit des Escartons. Le jeudi 19 avril, s’est déroulée à Montgenèvre une rencontre de douze communautés de communes des deux côtés de la frontière pour entreprendre une façon nouvelle de pratiquer la coopération transfrontalière. Un double nom a été choisi par la nouvelle association : CHAV (Conférence des HAutes Vallées) du côté français et CAV (Conferenza degli Alte Valli) côté italien. Ce qui est légèremant riducule. Ils ont seulement oublié qu’une langue commune pouvait remplacer la double dénomination car, d’un côté comme de l’autre, c’est l’occitan la langue commune et que « Conferéncia de las Valaas Autas » pouvait se comprendre par les habitants des anciens escartons. Peut-être que dans le cadre des échanges culturels, sera prévue une place pour notre langue. Rien de moins sûr quand nous savons combien l’occitan est nié en France alors qu’il est reconnu comme langue co-officielle chez nos amis italiens. Bon week-end… À lundi prochain !

Lundi 30 avril 2 007. Et bonjour ! Et bien, nous y sommes ! La voici, ma dernière chronique. Je vous remercie infiniment, chères auditrices et chers auditeurs. Nous avons passé ensemble quelques bons moments, depuis trois ans… et je n’oublierai jamais les messages de sympathie et d’encouragement que vous m’avez souvent adressés. L’occitan à la radio est une nécessité, tout autant qu’à la télévision et dans les autres médias. Alpes 1 a toujours voulu lui laisser une place. Que la direction soit ici chaleureusement remerciée. S’il y a des amatrices et des amateurs pour prendre ma succession, reprendre le flambeau, ils seront les bienvenus. Mais, surtout, pour tous ceux qui le peuvent, parlez la langue à vos enfants, demandez à l’école la place qui lui revient, sollicitez vos élus pour sa véritable reconnaissance. Vour participerez ainsi à lui rendre sa dignité. Continuez à défendre et à promouvoir notre langue que vous l’appeliez patois, alpin ou occitan. Bon travail et bonne continuation. Au revoir.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *