Vequí es fach, es sortit, es arribat. Vòli parlar dau cd dau grop « Paroplapi » qu’a per nom, un nom italian « La finestra dell’ultimo piano ».
Lo contengut es una meravilha : de cançons tradicionali italiani, francesi e occitani coma lo « Luns fum » niçard cantat quauqu ans fa dau cantaire Mauris, lo « Se canta » occitan visitat a la maniera « Paroplapi », una cançon sonada « Mesclun » que repilha de tròç de cançons e ploms (« peras » en provençau) dei pichoi coma « Jan Badòla, Tana Balana »… e finda una cançon de creacion embé « Palhon canta » un tèxto escrich da Serge DOTTI.
En tot 12 cançons dont retroberetz li votz de Samuela GALLINARI e de Gaël PRINCIVALLE, la Guitarra clàssica de Giorgio ALBIANI (lo novèu dau grop) e de convidats coma Paolo SIMONAZZI a la sansonha e a la jorgina, Silvio TROTTA a la mandolina e au mandoloncèu… sensa denembrar li votz dei pichoi : Marco, Valentina e Cecilia.
A remarcar tanben l’omenatge dau grop Paroplapi a Dante dins la cançon « Dante e Arnaut », Dante qu’escriguèt quauqu vers en occitan en lo cant XXVI dau Purgatòri de la Divina Comédia e que fa la ligason embé l’italian. Un bèu regal a faire ò si faire per Calenas.
Aqueu disc a reçut lo lògo IEO-06
Un bulletin de commande est disponible en ligne dans la page discographie du site:
