La maion Francine GAG inaugurada en pompa manha.
Lo 13 de març, lo grope folcloric « Nice la Belle » convidava lu sieus sòcis e amics a l’inauguracion de la maion Francine GAG que va assostar aquesta associacion.
L’IEO-06 e d’autri associacions èran convidats.
Stan PALOMBA en tant que president dau grope, pilhèt premier la paraula per ramentar l’istoric de « Nice la Belle » e cen que lo grope folcloric devia a Francine. Aremercièt lo president dau Consèu General dau 06 Eric CIOTTI, lo cònsol de Niça Christian ESTROSI, lo deputat Rudy SALLES, lu conselhers municipals presents, li associacions qu’avian fach lo desplaçament e toi aquelu qu’avian ajudat de pròche ò de luenh a la restauracion d’aquest luec de vida.
Après lu discors dei elegits, Pierre-Louis GAG, embé totplen d’emocion ramentèt, tra autre, que se lo grope siguèt creat oficialament da Francis GAG, son paire, en lo 1956, ja doi ans denant avian començat a travalhar sobre li danças e li coregrafias .
La maion Francine GAG serà presentada au public lo 11 d’abriu emb’una operacion pòrta duberta. L’IEO-06, embé totplen d’autri associacions, serà present e tendrà banc emb’ai sieus libres, diccionari, gramàticas, cd e desplegants divèrs.
Desiram totplen de gauch e de vòia a Nice la Belle dins aquest bèu luec que li defautava per la realizacion de toi lu sieus projècts.
Lu organizators vos asperan numerós. Vos en direm mai dins un article a venir.
Vorguessiatz laissar un messatge en bas d’article vos aremerciam de passar per l’adreça : jpbaquie@yahoo.fr (per rason d’espams avèm deugut barrar lo forom dirèct : répondre à cet article).