Divendres 15 lo de la Magdalena toi lu sòcis de l’IEO-06 siguèron convidats a assistre a la rapresentacion de l’Atalier Comedia que presentava lo sieu travalh de l’annada. Coma l’an passat siam pas estats, en tant qu’espectators, deçauputs : riquessa de la lenga, dei costumes, dei decòros, modernitat dins la maniera de jugar (lo rap dau rascla-chaminèia, un robòt que parla niçard,…) de cançons moderni per evocar lo passat (Santiago per li bugadieras) e ne’n passi. Tot aquò dins un bòn imor aqueu dei actors mas finda aqueu dei espectators. Passèri una bòna serada tot coma lu espectators conquists dai diferents tablèus copats de galejadas e de cançons. Mercí doncas a la chorma e a Quiqui per lo sieu travalh. Esperi que lo porrem tornar veire en un autre luec tant deu èstre frustrant per aqueu qu’es sus lo pontin de si dire que juguerà la peça basta un còup solet. Alora mandi l’idea…
Aremerciam la comuna de Sant Andrieu de la Ròca, per lo prèt de la sala Albèrt MONGE, Quiquí e Joan-Pèire SPIES que vorguèron dire quauqui paraulas sus lo sieu travalh e la serada.
Siam pron urós de la capitada de l’atalier Comedia que fa un bèu travalh despí doi sasons, e que si va persègre l’an que ven.
Volèm congratular l’animatritz d’aquest atalier, Quiquí Bailly, que l’imaginèt doi ans fa, toti li actritz e toi lu actors, que nen presentèron un espectacle de qualitat divèndres passat, lu veiretz en fòto.
Aquest atalier si fa dins l’esperit de cen que l’IEO-06 es a promòure de lònga, la trasmission de la lenga e de la cultura d’òc dins la convivialitat, lo partiment, la tolerença e l’escambi, brèu l’educacion populara que cadun l’i pòrta la sieu pèira, lo bastiment d’una òbra collectiva que fa veire l’avenir de la nòstra vida ensems, que respecta cadun.
Au nom de l’IEO-06, vòli escriure que siáu pron fier d’aquest atalier, e li desiri lònga vida !
Joan-Pèire Spies, vice-president de l’IEO-06
Nous nous réjouissons de la réussite de l’atelier « Comedia » qui mène un beau travail depuis deux années, et qui va se poursuivre l’an prochain avec un nouveau projet de création.
Nous félicitons l’animatrice de cet atelier, Kiki Bailly, qui l’a mis en place il y a deux ans, et toutes les actrices et les acteurs qui nous ont présenté un spectacle de qualité vendredi dernier.
Cet atelier est organisé dans l’esprit de ce que l’IEO-06 défend sans cesse, la transmission de la langue et de la culture d’oc dans la convivialité, le partage, la tolérance et l’échange, bref l’éducation populaire à laquelle chacun apporte sa pierre, la construction d’une œuvre collective qui montre ce que doit être l’avenir de notre vie en société respectueuse de tous.
Au nom de l’IEO-06, j’écris que je suis fier de cet atelier e je lui souhaite longue vie !
Jean-Pierre Spies, vice-président de l’IEO-06
L’an darnier, lo cors de niçard de San Ròc s’arrestava per diversi rasons. Alora mi siáu pensada: « Es daumatge de perdre aquesta possibilitat de parlar la lenga e de partir aquesta cultura ». Ma ieu parli pas tant ben la lenga per faire un cors ! Alora ai prepauat de faire alentorn d’un tema quaqua ren de divertissant e perqué pas, de pichini cenas que porrian faire, bessai, un espectacle. E l’avèm fach embé una chorma d’un desenau de personas que si son implicadi dins la creation de dialògos e d’ideas per montar aquest’annada un espectacle sus lu mestiers d’un temps passat. Avèm fach de recercas en de libres , au musèu Massena, en la revista « Lou Sourgentin », enfin tot cen que pòu faire mièlhs conóisser aquestu mestiers ! Toi s’impliquan: dialòguos, costumes, decòros….
Aquò permete de practicar la lenga d’una maniera viva e plasenta.
Mi sembla que l’espectacle de divendres 14 de junh maugrat li imperfeccions a plasut e èra divertissant: cadun en la chorma a mes tot lo sieu còr per aquò !
Lo òstre projèct per divendres èra de radunar lu gents dei diferents cors de l’IEO per una serada conviviala alentorn d’un balèti e d’una merenda per acabar una annada ben clafida de la bòna volontat de toti le personas que benhinament pilhan de temps per difondre nòstra bèla lenga. Un grand mercí a n’aquelu que son venguts e bòni vacanças en toi. A la rentrada QUIQUÍ
