Dimarç lo 16 de decembre, l’atalier de lenga de Niça organisava coma cada annada, una pichina fèsta per acabar dins l’alegria, l’amistat e la convivialitat lo darrier cors de l’annada.
Toi adusèron, cu bevandas, cu tortas de blea, farçums, bescutins, castanhas confidi, panetons e n’en passi… cadun l’i avia mes tot lo sieu còr e lo sieu gaubi.
Coma de costuma lo cant e la música si convidèron a la fèsta.
Anna-Maria e Crestian a la guitarra, Patric a la mandolina, Alan a la trombeta nen faguèron cantar, tant de cançons tradicionali coma de blues ò de samba.
Au dire de Nàdia, la serada siguèt tròup corta e la demanda de Joanina seria de n’en faire d’autri. Tot aquò es notat sus lo quasernet ! L’i revendrem.
Vos donam apontament au principi dau mes de genier, lo dimarç 6 exactament a comptar de 6 oras dau vèspre. Farem una pichina dictada per alestir la dictada occitana au C.U.M lo 31 de genier dau 2026.
D’aquí en là, tenetz-vos galhards. Desiram a toi lu sòcis e amics de l’IEO 06 de bòni fèstas de fin d’annada. Baietas, sòca e bros per toi !
Credit fòtos : Regina BAQUIÉ
Bòni fèstas e viva l’I.E.O !
Èra un bòn moment de vida e de convivialitat dont cadun a aduch li sieu competenças, lo sieu gaubi dins l’amistat. Un moment dont avèm fach viure lo nòstra lenga e la nòstra cultura. Viva !
Bona mm moi
Coma totjorn un bòn moment de convivialitat
Bòni fèstas en toi
Marie-Do