Li Babaròtas de Serge DOTTI e Lorenzo SAPORI.
Li Babaròtas John Cooper et Garry Wayne, escapats de la cròta an decidat de viure dins lo divan dau salon. Garry Wayne a reçauput una pantofla sus la tèsta a la naissença e se n’es jamai restabilit, per eu la vida es bèla, emplida de Chips e d’aventuras : es anat fins au barcon, a vist lo balicò e la galineta dau bòn Dieu. Lo sieu pantais es grandiós : un parèu novèu de pantoflas.
John Cooper cres pas plus en ren, pas manco au subconscient, ren li plas e va en minga luec. Seria consent maugrat tot d’èstre ric e celèbre ò ben lo contrari : celèbre e ric.
Tot’ai doi regarjan lo monde de pròpi luenh : de quauque part a l’òvest dau frigò.
La tècnica utilizada es un mesclum de muppet e de mariòta a fius.
Aüra podrètz lu veire sus You Tube tant de còups que vodrètz, seguissètz lu liames :
http://fr.youtube.com/watch?v=uBCRsG__NP8
http://fr.youtube.com/watch?v=tJHoAVZb5w0
E sobretot esitatz pas a nos laissar un comentari, es encoratjant e sosten la chorma de produccion en o sieu desideri d’aparar lo nòstre patrimòni e la nòstra curtura, e de continuar en aquesta bèla aventura.
V’aremerciam e a ben lèu.
