Lo 7 de mai, la nòstra associacion IEO-06, participèt au recampament SOLIDARSPORT a l’escòla Thérèse Roméo de Niça.
200 escolans dau primari venguts d’escòla diferenti avian respondut a la chamada.
L’objectiu èra de desfolopar en li novèli generacions lo civisme e lo sens dei responsabilitats dins una jornada dau respect : aquela de l’autre, de si-meme, dei règlas, de l’environament, d’una paraula, d’un engatjament, dei nòstres devers de citadins.
Lu escolans èran convidats a sègre un percors dins d’ataliers diferents. Podem citar tra autre aqueu de l’EPS ò dei arts plastics, mas finda aquelu dei matemàticas, dei letras, de l’istòria, de la geografia e dei lengas. Tra li lengas presenti podem citar lo chinés, l’arabo, lo russo, l’italian, lo portugués… e de segur l’occitan-niçard.
L’IEO-06 presentèt de juecs a la maniera dau psicolingüista ARTIGAL e finda de rondas e juecs cantats que fan pilhar consciença de l’esquèma corporal.
Nice-Matin faguèt una edicion especiala de 16 paginas per parlar de l’eveniment. Vequí quauques imatges de la jornada.
Da signalar que l’IEO-06 participèt a una segonda jornada SOLIDARSPORT a la Ternitat (06) lo 18 de junh.
Juec dau « balon »
Juec cantat : La dança dau Lemosin
L’inspector dau primari Niça VI Marc VERLAY, lu directors d’escòla de la circonscripcion, lu animators de l’IEO-06
Dins lu salons de Nice-Matin : Lu principals responsables de la mobilizacion d’aquesta jornada SOLIDARSPORT
