Dimarç 31 de julhet de 2007 : ST PIERRE D’ARGENÇON (pròchi Aspres de Buech (05)). Au Centre de Vacanças ISTREMONT, a 21 oras 30.
Dins l’encastre dei RESCÒNTRES OCCITANS EN PROVENÇA, mai dubert en tot public…
Espectacle de CÒNTES ambé la contaira “LISA GROS”
« De castèus dins la luna »
1 ora 15 d’espectacle tot public (a partir de 6 ans), en Occitan-Provençau ò bilingüe.
Contes meravilhós, fantastics o faceciós.
Lisa Gròs, contaira nimesenca, mena son public en un viatge grand, sus de camins improbables, que davalan dei montanhas Cevenòlas juscas a la Mar Nòstra , plena de susprèsas.
D’istòrias de ièr amb de pèiras mascas, de contes de uèi, esbleugissents de realisme e de galejadas de totjorn se mesclan en un revolum encantaire. Leis èstres fantastics espelisson ai caireforcs, seguisson sens èstre vists. Lei cresenças ancianas aparan lei personatges dei contes, lo païs d’Òc viu e parla. Alòr se desgrunan doçament lei perlas dau temps que passa.
Sus lo vaissèu magic de Lisa, naisson lei paurs, leis espèrs, lei jòias e lei rires que fan totjorn espelir de castèus dins la luna.
Contacte : 06 77 49 37 78