Amics occitans,
Vos presentam ancuei lo darnier dei dètz cants que si canteràn lo 24 d’octòbre venent a Carcassona. A per titre « La Libertat », li paraulas son de J. Clozel e la mùsica de Manu Theron.
Ramentam que lo CD d’aquesti dètz cançons si pòu crompar a l’IEO-Nacional (veire liames).
Per legir lo projèct Cant’òc : http://ieo06.free.fr/spip.php?article1509 e tanben http://ieo06.free.fr/spip.php?article1513
http://ieo06.free.fr/spip.php?article1520
http://ieo06.free.fr/spip.php?article1525
http://ieo06.free.fr/spip.php?article1526
http://ieo06.free.fr/spip.php?article1527
http://ieo06.free.fr/spip.php?article1528
http://ieo06.free.fr/spip.php?article1529
http://ieo06.free.fr/spip.php?article1530
http://ieo06.free.fr/spip.php?article1531
http://ieo06.free.fr/spip.php?article1532
La Libertat
Tu qu’as sus leis ancas tei ponhs
Tu qu’as una vòtz de cleron
Uei sòna sòna a plen parmons
Ò bòna musa.
Siás la musa deis paurei gus
Ta cara es negra de fumada
Teis uelhs senton la fusilhada
Siás una flor de barricada
Siás la Venús.
Dei mòrts de fam siás la mestressa
D’aquelei qu’an ges de camiá
Lei sensa pan lei sensa liech
Lei gus que van sensa soliers
An tei careças.
Mai leis autrei ti fan rotar
Lei gròs cacans ‘mbé sei familhas
Leis enemics de la paurilha
Car ton nom tu, ò santa filha
Es Libertat.
Ò Libertat coma siás bela
Teis uelhs brilhan coma d’ulhauç
E crosas, liures de tot mau,
Tei braç fòrts coma de destraus
Sus tei mamèlas.
Mai puei, perfés diés de mòts raucs
Tu pus doça que leis estelas
E nos treboles ò ma bela
Quand baisam clinant lei parpèlas
Tei pès descauç.
Tu que siás poderosa e ruda
Tu que luses dins lei raions
Tu qu’as una vòtz de cleron
Uei sòna sòna a plens parmons
L’ora es venguda.