Lo Projèct Cant’òc

Amics occitans,

Vos presentam ancuei un autre dei dètz cants que si canteràn lo 24 d’octòbre venent a Carcassona. Es una ària d’Aubrac, titrada « Sèm montanhòls ».

Ramentam que lo CD d’aquesti dètz cançons si pòu crompar a l’IEO-Nacional (veire liames).

Sèm montanhòls

Sèm montanhòls, aimam l’endependença
L’aviam, l’avèm amai la gardarem
S’i a pas de rei en França
Nautres i renharem.

Nòste sol mestre es aquel que fa nàisser
L’èrba a la prima e lo blat a darrièr
Lo prejam que nos daisse
Lo gost del pan longtemps.

Bons al trabalh, a la dalha, a l’araire
Fièrs e contents a la garda de Dieu
Coma l’ausèl dins l’aire
E las troitas pel riu..

Dels verais Gallés avèm lo crit de guèrra
Quialam l’aüc que fa tot restornir
En passant sus la tèrra
Aimam nos faire ausir.

Nautres avèm confiança n’a la trica
Sèm del país que florís lo drelhièr
E se quauqu’uns nos brunca,
Lor farem far quartièr.

S’al país bas n’aiman pas la montanha
Nautres sèm pas jalós del valon
Chal tròpas de chastanhas
Per crompar ‘n vedelon.