Li a quauqu jorns d’aquò escotèri lo vielh 33 torns « Viure Drech » dau cantaire niçard MAURIS e retrovèri lo tradicionau « Luns, fum… ». Aquesta cançon que repilha lu jorns de la setmana sembla totplen en aquela Provençala « Ai rescontrat ma Mia » mas embé una melodia e de paraulas pron diferenti que ne’n fan la sieu originalitat. Tra autre lu niçards conoisseràn « la Chapa » mercat ai peis, que si debanava esquasi en riba de mar, darrier li Ponchetas. Sensa tradir un segret vos pòdi dire qu’aquesta cançon serà repilhada dins lo CD novèu de Paroplapi (Samuela Gallinari, Gaël Princivalle, Giorgio Albiani) « La finestra dell’ultima piano » (cants populars de l’arc latin) que deuria espelir d’aqui gaire.
Luns fum
Per vendre garbin nèbla e fum
Luns fum mars lard mecres lèbre jòus bòu vendres cendre sata jata la la…
Dont v’enanatz filheta ?
Dont v’enanatz que plòu ?
Alestir carnsalada dimars
Venderem toi lu trules m’au lard
Anerem a la caça dimecres
Cantar lo Te Deum d’una lèbre
Serèm toi a la fiera dijòus
Paigran menerà vendre lo bòu
Farem cramar li feisses divendres
Per faire la bugada m’ai cendres
Per vos pòrger la frucha dissabta
Si compreràn la pus bèla jata