Manifestacion “Anem Òc ! Per la lenga occitana !” de 2012
Cars amics e sòcis,
La coordinacion “Anem Òc ! Per la lenga occitana !” ven de nos mandar lo sieu messatge de crida per la manifestacion venenta. Si debanerà a Tolosa lo 31 de març dau 2012. L’IEO-06 demanda ai sieus sòcis de l’i si preparar e de reservar la dimenjada dau dissabta 31 de març e dau diménegue 1ier d’abriu per l’i anar.
La nòstra crida fa taca d’òli e per lo premier còup, occitans, bretons, bascos, catalans, alsacians, manifesteràn en la sieu region lo meme jorn. Ensems aurem mai de pes per faire avançar li nòstri revendicacions e obtenir una lei quadre per li lengas de França.
Estre a Tolosa lo 31 de març serà mai qu’important per lo devenir de l’occitan e l’i devem èstre encara mai qu’a Carcasona en lo 2009.
D’aüra en avant lo C.A. e lo Burèu de l’IEO-06 van perpensar a l’organizacion dau desplaçament per fin que l’i siguessiam encara mai numerós. Demandam l’ajuda dei sòcis e associacions afrairadi per veire coma s’anam organizar per mai d’eficacitat.
Esitatz pas a nos contactar qu’avèm ja l’experiença de 3 manifestacions per la lenga e de ne’n parlar en lo vòstre relarg. (per veire li fòtos de Carcassona 2009 clicatz sus lo liame çai-sota)
Manifestacion “Anem Òc ! Per la lenga occitana !” de 2012
La Coordinacion crida a una manifestacion lo 31 de març de 2012 que serà la seguida d’aquelei de 2005, 2007 e 2009 onte sigueriam de miliers per dire “Anem òc ! Per la lenga occitana !”.
La Manifestacion se farà a Tolosa.
Aqueu 31 de mars de 2012 serà una granda jornada au nivèu nacionau per totei lei lengas dichas regionalas que vòlon una Lèi.
Ja lei Bretons, Bascos, Catalans e Alsacians son partents e faràn una manifestacion dins sa region lo meteis jorn.
Manifestation “Anem Òc ! Per la lenga occitana !” 2012
La Coordinacion appelle à une manifestation le 31 mars 2012 qui sera le suivi de celles de 2005, 2007 et 2009 où nous avons été plusieurs milliers à dire ” Anem òc ! Per la lenga occitana !”
La Manifestation se déroulera à Toulouse.
Ce 31 mars 2012 sera une grande journée au niveau national pour toutes les langues dites régionales qui veulent une Loi.
Déjà, les Bretons, les Basques, les Catalans et les Alsaciens sont partants et organiseront une manifestation dans leur région le même jour.
