Ne’n sabem un pauc mai sus d’aquesta TV. Serà 100% en occitan. Si porrà veire sus la telaranha (www.octele.com) e comencerà li sieu emissions esto sera a 8 oras e mieja (20 oras 30). Au programa de débats mas tanben d’emissions per la joinessa (30%), cen que nos ralegra rapòrt a la socializacion de la lenga per li novèli generacions. Finançada per de collectivitats regionali e departementali diversi dau ponent, serà de segur axada sobretot sus cen que si debana en lo sieu relarg. Sabem per exemples que lo Consèu Regional d’Aquitània a balhat 50 000 euros, lo consèu general de Dordonha a balhat eu 15 000 euros, lo Consèu Regional de Miejorn-Pirenèus, eca… Avèm totplen d’esper sus d’aquesta television, mas per viure a besonh de nautres toi per sègre lu sieu programas e bessai prepauar de projècts d’emisions. A nautres tanben de la faire conoisser au nòstre alentorn per mai d’audiença. En bas d’article porrètz escotar lo fondator breton d’oc tele : Lionel Buannic.
Per veire ÒCTELE clicatz sus l’imatge :
Per escotar Lionel Buannic es aquí :