I a gaireben ges de libres de ficcion a l’entorn de la rabassa, n’i a encara mens, a ma coneisséncia, en lenga nòstra.
Lo roman « Le Secret de la rabassière » de Nicòla Faucon-Pellet (Prèmi Malassis 2009) a lo merite de porgir a l’encòp un documentari precis remirable sus lo monde rabassier secret e desconegut, e una istòria de familha misteriosa que Minà, una joina Berbèra qu’a plantat cavilha en Droma provençala, vai desembolhar, cava que cavaràs, en companhia de sei chinas, dins lo passat coma dins lei rabassièras de son sògre.
Es per tot aquò que, ieu, afogada dau diamant nègre, a la demanda de Nicòla, e amb l’ajuda de Roger Pasturel, ne faguère la revirada, que ven enfin d’estre editada a cò de Princi Negue.
Per l’autora, revirar lo libre a l’òc èra valent a dire de lo vestir de sa lenga vertadièra, aquela que ela, s’èra pas pron sentida d’escriure.
Aquesta traduccion es una mena de version originala descavada.
Marie-Christine Coste-Rixte
De comandar a :
Nicole Faucon-Pellet
La Coste
07700 Saint-Remèze
Une petite promotion pour les fêtes, les frais de port seront identiques si vous commandez ensemble les deux versions de La rabassière.
« Lo secret de la rabassièra » : 18,70 € franco de port
« Le secret de la rabassière » + « Lo secret de la rabassièra » : 33,20 € franco de port.
