Carc amics e sòcis,
Coma lo sabetz l’IEO-06 a previst doi carris per Carcassona. Lo premier partirà de Niça e lo segond de Grassa. D’unu an causit de li anar en veitura. Lu carris laisseràn lo monde sus lo luec de la manifestacion e s’aneràn parcar au parc de delestatge de Ciutat (cf. plan jonch ò sus lo site de l’IEO-Aude).
Lo debanar de la manif : lo plan es pas estabilit fèrme, mas li seràn cinc bandeiròlas « oficiali » emb’ai convidats, lu enfants en primièr pi lu manifestants dei associacions cridairi (preveire afichas ò bandeiròlas per marcar l’origina geografica) e darrièr li autri organizacions que sostenon. Per aquelu que venon embé nautres un papeiron ò corrièl serà mandat a cadun d’aqui gaire.
Contunhatz de demandar lo sosten a d’eligits ò organisacions autri coma li federacions de parents (exemple la pàgina d’acuèlh dau site de la FCPE 34.)