Reg’Art… sur la literatura en 2012 en Aubanha
Dire l’imatge, pintar lei mòts, esculptar l’idèia ! Illustrar una òbra literària, tala èra l’escomessa qu’an relevada lei 80 artistas. Mai ges de mòstra d’òbras aquesta annada per lei 80 fremas, que la comuna balhèt ges de sala per la quatorgena edicion dau rendètz-vos dei pintres, esculptritz e fotografs. Baissan pas lei braç, fan avans, pòdon pas mostrar leis originaus, la mediatèca Marcel Pagnol dau 06 au 24 de març aculhira lei fotòs deis òbras, en espèra de la mòstra vertadiera, que leis artistas locaus auràn benlèu pus ges de possibilitat de mostrar que que siegue tant que faudrà laissar leis espacis ais artistes venguts de la capitala per Marselha 2013 !
Aqueu project que ten de l’installacion e de la performància, vendrà donc una mòstra conceptuala sus lo verai e lo faus, mostrar çò que podem pas mostrar ! La literatura en òbra, l’òbra en fotò, la fotò en mòstra…. Per Patricia Jouve e Magalí Bizot-Dargent serà la literatura occitana son inspiracion, i seràn a l’onor Victor Gelu e la Comtessa de Dia.
Après lo barnissatge a la Mediatèca, lo 9 a 18 oras, a la MJC, que sosten Reg’Art, Martina Huet e lo colectiu de fremas despuei la debuta, seguirà la fèsta partent de 19 oras 30.
Renseignements : MJC Les Aires St Michel, 13400 Aubagne 04 42 18 17 17 (Atencion la Mediatèca a d’oraris particuliers :Dimars e Dimècres 9a 12.30-13.30a18.30 ; Divendres 13.30a18.30 ; Dissabte 9a17 ; Barrat diluns, dijòus e dimenche !