Maugrat lo marrit temps, trenta personas, coma l’an passat, an participat a la dictada occitana de l’Escomessa. Ambé aplicacion, joves e vièlhs an trabalhat sus lo text preparat per Andrieu Vassal, que se sonava “Lo vièlh pastre e lo trin”, e liegit per lo Joan-Peire, president de l’Escomessa.
Coma leis autreis annadas, aquela dictada s’es debanada sensa classament, lei correccions fachas en comun dins la bòna umor, e son estats seguidas par una corteta scena de teatre, jogada per Viviana e Magali, qu’an mostrat que leis ataliers dau diluns servon pas de ren…
De precisar que cadun a reçauput un premi, libres, discs, bonets, casquetas, pòrtaclaus e autrei ..
Tot lo monde a festajat puei lei reis, mai pendent tot aqueu temps, lo text de la dictada a contuniar d’animar una charadissa de premiera, qu’a mostrat tanben que la lenga èra totjorn viva dins lo còr dei gens..
A notar que lo cònsol de Canas èra representat per Dòna Pascale MINEUR-PASTORELLI (Conseiller Municipal, subdélégué à la Culture).
