Vaqui, just per ara, lei datas de notar sus vòstrei tauletas per pas mancar
lei Rescòntres Occitans en Provença 2018 organizats per l’IEO Provença-Aups-Còsta d’Azur !!!
Lei Rescòntres 2018 se debanaràn coma de costuma en dos sejorns (3j+3j) dau :
diluns 30 de julhet au diluns 6 d’avost au Centre de Vacanças « Le Brudou »
Pont-du-Fossé (05).
A lèu,
P.AM
DE DATAS DE RESERVAR
Per aquelei que vòlon ja tornar pensar a l’estiu e reservar sei datas per lei vacanças !!!
RESCÒNTRES OCCITANS DE 2017 / RENCONTRES OCCITANES EN PROVENCE
En 2018, lei RESCÒNTRES OCCITANS EN PROVENÇA se debanaràn au còr de la Vau de Champsaur au :
Centre de Vacanças « Le Brudou » (Altituda : 1000 m)
http://alpes-decouverte.fr/le-brudou/
Pont du Fossé – 05260 Saint-Jean-Saint-Nicolas
Lei Rescòntres Occitans en Provença son duberts en totei… pichons e grands, occitanofònes ò non, natius dau país d’òc ò non… simples curiós d’una lenga e d’una cultura desconoissudas ò saberuts de la question occitana; actors associatius urós de se rescontrar, d’escambiar, de confrontar, de comparar sei biais de faire, de l’i trobar l’envam e l’estrambòrd que lei sostendràn puei tot de lòng de l’annada dins son accion… benevòles ò professionaus; particulars que se vòlon faire plaser dins un luec de convivialitat occitana…
Lei Rescòntres se vòlon : un luec de pratica volontarista de la lenga, d’ajuda a la formacion, de descubèrta de la cultura occitana dins tota sa diversitat… un luec de reflexion, d’escambis, de mesa en comun d’experiéncias e d’informacions, de projèctes, d’espèrs… un luec de rescòntre e de convivialitat.
Contacte : pamoc13@gmail.com
