Nòstre amic, Andrieu responsable de la cronica “Nice-Matin” per l’IEO-06, a decidit de confidar son estilò a Andrieu GOYOT sòci de l’ieo-06, per la seguida de son tèxt : Lo Pastre de Mercantor. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Andrieu GOYOT encuei dins l’edicion de “Nice-Matin” Grassa.
Lo Pastre de Mercantor
Dau temps que Ludò li fa present dau sieu anhelon, tocant lo vilatge, la lobariá entamena un concèrt esclatant d’udolars. E, coma cada còp, s’es restat solet d’aquela circonstància, Lobet respònde ambé la sieu escomessa sonòra que redobton de tant lei bèstias, e tant coma elei, leis umans ignorantàs.
Quin pastís ! Amb un còp de bana involontari, lo buòu mugissent que se dreiça per s’escapar manda Josèp en l’èr. Aqueu tomba de tèsta e rèsta ensucat en plen. L’ase gris fa un lòng bram d’espavent ensordant, lança, raspalha sus lei bards, fasent gisclar de garbas de belugas e lampa. Lo Bèu e Ludò assajon a la precipitada de ragantar lei dos fugidís. Si vesent soleta, Maria si pòrta una man au còr e s’estavanís dau temps que, a la desesperada, l’angelon s’ajuca dins la grúpia. Lei clerjons e lo curat desvariats córron dins la gleisa, se butant mai darrier, lei tras que peotjei pòrtas claveladas.
Que paur entre lei santons ! Lo molinier resquilha e s’espatarra dins un nívol blanc, lo nas plantat dins la sieu saca de farina qu’a crebat. Lo pòu pas defugir lo caçaire de rescòntre que caminava au sieu costat. Cabussa e s’estramaça. En mai d’aquò, lo desgaubiat a oblidat de pestelar la sieu arma e lei sieus doas cartochas espeton dins una unica tronada inopinada, deis estordissentas. Dau còp, espaurits e tremolants ja, la polalhiera e lo lachier que seguissién e tenién, la premiera, doas galinas e quauquei placas d’uòus, lo segond, una dorga e un pesant bidon de lach, s’embolhon e s’esfondron dins una pastassa òrra.
(Seguirà)
A. Goyot
Le berger du Mercantour
Alors que Ludo lui fait présent de son agnelet, très près du village, les loups entament un éclatant concert de hurlements. Et, comme chaque fois, s’il est resté seul en cette circonstance, Loubet répond par son défi sonore que redoutent tellement les bêtes et, autant qu’elles, les humains très ignorants.
Quelle confusion ! D’un coup de corne involontaire, le bœuf mugissant qui se relève pour s’échapper projette Joseph en l’air. Celui-ci retombe sur la tête et reste assommé. L’âne gris pousse un braiment d’épouvante assourdissant, rue, glisse sur les dalles, faisant jaillir des gerbes d’étincelles et s’enfuit. Le Beau et Ludo essaient précipitamment de rattraper les deux fugitifs. Se voyant seule, Marie se porte une main au cœur et s’évanouit alors que, en désespoir de cause, l’ange se juche dans le râtelier. Affolés, le curé et les enfants de chœur courent dans l’église, repoussant derrière eux les très lourdes portes cloutées.
Quelle peur parmi les santons ! Le meunier glisse et s’affale de tout son long dans un nuage blanc, le nez fiché dans son sac de farine qui a éclaté. Le chasseur d’occasion qui marchait à son côté ne peut l’éviter. Il culbute et s’étale lourdement. Le maladroit a, de surcroît, oublié de verrouiller son arme et ses deux cartouches éclatent inopinément, en un seul bruit de tonnerre particulièrement étourdissant. Du coup, déjà apeurés et tremblants, la volaillère et le laitier qui suivaient et tenaient, la première, deux poules et quelques plaques d’œufs, le second, une cruche et un pesant bidon de lait, s’emmêlent et s’effondrent dans une horrible pâtée.
(à suivre)