Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Danièu Giordanengo sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Danièu Giordanengo encuei dins l’edicion de « Nice-Matin » Grassa.
De pas mancar l’agenda en bas de pagina, que ramenta que lei RESSON D’AQUI se pòdon legir sus lo site nòstre.
Plaça de la Peissonariá.
Es un imatge dau passat que desiri d’evocar embé meis amics grassencs e tanben rendre un omenatge an aquelei comerçants en citant son nom e en lei remetent dins lo contèxte, perqué son estats leis actors economics dau moment.
An aquela epòca, la vila èra devesida en doas : la vila auta, embé la Plaça ais Ieras, lo baloard dau Juec de Balon, la vila bassa, embé la Plaça ais Èrbas – ara, Joan Jaurès – e la Plaça de la Peissonariá. Aquesta partida èra « lo vèntre de la vila ». Despuei, lei plaças de Grassa an subit de transformacions, soleta, la Plaça de la Peissonarié a demorat com’èra. Son envan e sa superficié son lei memas. La fònt a una forma diferenta, mai es restada au meme emplaçament. Leis actors, pecaire, an dispareissut.
Èra solament aquí que si podiá crompar lo pèis. Lei gènts venián de la montanha, de nòstrei campanhas, dau país de Faiença, tanben. Lo mercat aviá luec lo matin, toi lei jorns, levat lo dimenge e lo diluns. L’activitat començava pron lèu lo matin, vèrs 5 ò 6 oras. Lo pèis arribava dins lei camionetas dei mercants que s’èran aprovisionats en cò dei grossistas dau litorau. Lei caissas de bòsc, emplidas de glaç, si plaçavan sus lei bancs garnits de feuses ò de fuelhas de figuiera. Èra pesat lo peis ‘mbé de romanas ò de Roberval. A la fònt, si curava, si gratava, si refrescava, si preparavan lei pichinei caissas remplidas de glaç per lei luirasons, que, an aquela epòca, la congelacion e lei veiculs frigorifics existián pas. A l’entorn de la plaça, lei doas camionetas e lei carretas anavan e venián per lei luirasons ais escòlas, ostalariás, restaurants, pensions, ostaus de repaus, preson, familhas borgesas de la Perfumariá… Dins lo corrent de la matinada, lo placier municipau, en costume e casqueta, passava per encaissar la taussa dei mercants. S’entendiá : « Encuei, podètz passar au larg, avèm pas vist de clients ! » (Seguirà…)
Danièu Giordanengo.

Place de la Poissonnerie.
C’est une image du passé que je souhaite évoquer avec mes amis grassois et, aussi rendre hommage à ces commerçants en citant leur nom et en les replaçant dans le contexte, car ils ont été les acteurs économiques de l’époque.
La ville, alors, était divisée en deux : la ville haute, avec la Place aux Aires, le boulevard du Jeu de Ballon, la ville basse, avec la Place aux Herbes – aujourd’hui, Jean Jaurès – et la Place de la Poissonnerie. Cette partie était le « ventre de la ville ». Depuis, les places de Grasse ont subi des transformations, seule, la Place de la Poissonnerie est restée telle qu’elle était. Sa marquise et son étendue sont demeurées les mêmes. La fontaine a une forme différente, mais elle se trouve toujours au même endroit. Les acteurs, hélas ! ont disparu.
C’était seulement là que l’on pouvait acheter du poisson. Les gens venaient de la montagne, de nos campagnes, du pays de Fayence, aussi. Le marché avait lieu le matin, tous les jours, sauf les dimanche et lundi. L’activité commençait assez tôt le matin, vers 5 ou 6 heures. Le poisson arrivait dans les camionnettes des marchands qui s’étaient approvisionnés chez les grossistes du littoral. Les caisses en bois, emplies de glace, étaient placées sur les étalages garnis de fougères ou de feuilles de figuier. Le poisson était pesé à l’aide de balances romaines ou de Roberval. A la fontaine, l’on nettoyait, l’on grattait, l’on rinçait, l’on préparait les petites caisses pleines de glace pour les livraisons, car, à cette époque, la congélation et les véhicules frigorifiques n’existaient pas. Tout autour de la place, les deux camionnettes et les charrettes allaient et venaient pour les livraisons aux écoles, hôtels, restaurants, pensions, maisons de repos, à la prison, aux familles bourgeoises de la Parfumerie… Dans le courant de la matinée, le placier municipal en uniforme et casquette passait pour encaisser la taxe des commerçants. L’on entendait : « Aujourd’hui, vous pouvez passer au large, nous n’avons pas vu de clients. »
(à suivre…)
Agenda :
Tous les « Resson d’Aquí » sur le site :