Encuei reprenem lo cors normau dei « RESSON D’AQUI ». Nòstre amic, Andrieu responsable de la cronica « Nice-Matin » per l’IEO-06, a prestat son estilò a Gílbert Mancini, sòci de l’ieo-06.

Vautres toi sòcis ò amics nos podetz escriure per prepausar lei vòstres tèxts.

Podetz legir l’article de Gílbert Mancini encuei dins l’edicion de « Nice-Matin » Grassa.

Que vòs manjar ?

“Que vòs manjar de bòn, encuei, mon garri ? mi demanda ma gènta molher. – Mai, ma polida, li mandi en volent mi faire remarcar, que creses de poder manjar de tant gostós, a l’ora d’encuei, qu’aquesta norridura dau progrès que ne’n siam subrondats ? Sabes ben que podèm pas defugir an aquesta necessitat.”

Quand doi si charpinan, es pron sovent que si pregita m’aquela expression : “Ti vau faire passar lo gost dau pan !” Esta rebecada significativa representa tras que ben la prepoténcia que lo monde donan a son besonh mai essenciau : lo manjar. Dins lo temps aquò aviá quauqua ren de simbolic, mai, ara, mi sembla ben tresanat. Luenh de voler passar per un utopista, nimai, faire rire, desiri, pasmens, de balhar mon avejaire.

A passat temps, la gènt, obligats qu’èran, vivián escarsament. Mai, voliá pas dire que lo mai simple de ce que manjavan non èra gostós, estent que la chausida èra dei mai naturalas. Pasmens, d’unei scientifics, an lo frònt de voler jogar leis aprendís mascs en transformant e en desnaturant lei lieumes ò lei fruchas. Pron ò tard, la natura recobra sei drechs e un molon d’endevenenças aduson la bèla pròva qu’es necite de restancar lo folitge de l’òme que si crei de se n’empatronar au solet motiu dau profiech.

M’anaràs dire : “Tot aquò, mon bèu, fa de temps que o sabèm, perqué o repepiar un còp de mai ?” Avètz rason, vos l’acòrdi, mai se posquèsse durbir l’esprit d’unei que pensan pas coma ieu… Porriam viure e, subretot, manjar de norritura gostosa, sensa que faguessiam per aquò la fortuna d’alquimistas qu’embé sei menèstra d’apoticaris, acaban despietadosament de levar tot lo congost dei produchs naturalament semonduts per nòstra tèrra norriguiera.

Anessiatz pas vos creire que desvariáu, emai siguèsse de bòn ton ai temps que siam !…

Gílbert Mancini.

Que veux-tu manger ?

“Que veux-tu manger de bon, aujourd’hui, mon rat ? me demande ma charmante épouse. – Mais, ma belle, lui lancé-je en voulant me faire remarquer, que crois-tu pouvoir manger d’aussi goûteux, à l’heure actuelle, que cette nourriture du progrès dont nous sommes inondés? Tu sais bien que nous ne pouvons pas échapper à cette nécessité.”

Lorsque deux personnes se disputent, c’est assez souvent que l’on s’invective avec cette expression : “Je vais te faire passer le goût du pain !” Cette menace significative représente très bien l’importance prépondérante que les gens donnent à leur besoin le plus essentiel : la nourriture. Dans le temps, ceci avait quelque chose de symbolique, mais, à présent, cela me semble bien dépassé. Loin de vouloir être pris pour un utopiste, ni, davantage, faire rire, je souhaite pourtant donner mon point de vue.

Autrefois, les gens, obligés qu’ils étaient, vivaient chichement. Mais cela ne signifiait pas que les aliments les plus simples qu’ils mangeaient, n’étaient pas savoureux, étant donné que leur choix était des plus naturels. Cependant certains scientifiques, ont l’aplomb de vouloir jouer les apprentis sorciers en transformant et en dénaturant les légumes ou les fruits. Tôt ou tard, la nature recouvre ses droits et un grand nombre de constatations apportent la preuve irréfutable qu’il est nécessaire de faire barrage à la folie de hommes qui s’imaginent s’en rendre maître avec pour seul but le profit.

“Tout cela, mon cher, m’allez-vous dire, il y a bien longtemps que nous le savons, pourquoi le rabâcher une fois de plus ?” Vous avez raison, je vous l’accorde, mais si cela pouvait ouvrir l’esprit de quelques-uns qui ne pensent pas comme moi… Nous pourrions vivre et, surtout, manger une nourriture savoureuse, sans faire, pour autant, la fortune d’alchimistes, qui, à l’aide de potions d’apothicaires, achèvent impitoyablement d’ôter tout le goût des produits naturellement offerts par notre terre nourricière.

N’allez pas croire que je divague, bien que cela soit de bon ton à l’heure actuelle !…

Laisser un commentaire

Votre adresse e-mail ne sera pas publiée. Les champs obligatoires sont indiqués avec *