Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Andrieu Goyot sòci de l’ieo-06 per la seguida de son cònte : lo papet.

Vautres toi sòcis ò amics nos podetz escriure per prepausar lei vòstres tèxts.

Podetz legir l’article de Andrieu Goyot encuei dins l’edicion de « Nice-Matin » Grassa.


Per legir la promiera partida dau cònte : http://ieo06.free.fr/spip.php?article947

Cònte : Lo papet. (seguida)

Lo cant dau rossinòu trebola pas lo sòm dau papet que, un pauc dur d’aurelha, ause que de sons ateunats.Tornat lo matin, totei lei passerons son acampats, gaujós, esperant que lo papet duerbe la sieu pòrta. Maugrat que s’escole lo temps, ren bolega dins l’ostau. L’inquietud naisse e creis lèu. Una a cha una, si taisan lei pichòtei votz. Leis arendolas que nisèron dins lei genovesas, sota la teulissa de l’ostau, s’arriscan de si clinar en defòra dau sieu nís per assajar de veire quauqua ren. De badas ! «Coguou !», fa lo coguou que d’unei son, fin finala, anats quèrre. «Òu ! Òu ! Òu !», ajusta lo vièlh chòt que d’autres an prevengut. En van. Una agaça que l’i aprenguèron de parlar aponde : «E, se de còps que li a…». Ne’n pòu pas dire mai que, cridant totei : «Taisa-ti ! Taisa-ti ! Taisa-ti !», totei leis aucèus si son ja escondut la tèsta sota una ala per ren ausir. Enfin, arriba lo pòrtaletras que s’arrèsta davant l’ostau, estonat per la calma que reina. Aluca la pòrta, tot espantat de la trobar barrada. D’aquela ora, de costuma, es badanta. Lo papet lo convida, li prepausant un gòt de vin ròsat. Per èstre ben aprés, eu, lo refusa sovent, premier. Mai finísse totjorn que lo beu. Esto còup, trantalha, si lèva la casqueta e si grata lo suc. Mai mòrent de la sèt, pica a la vitra. Ges de respònsa. Vira la cadaula, buta e intra qu’es pas clavada la pòrta. Es vueja la cosina a planpè. Escala dins la cambra, au premier estanci. Tanlèu crida : «Tròn de pas Dieu ! Tòni, parla-mi. Malan de sòrt !». A cha quatre, davala leis escaliers, sauta sus la sieu biciclèta e lampa. Fariá pas pus lèu, s’aguèsse lo diable a l’après. Una brava passada puei, restontís un avertidor sonòre e una ambulància roja s’aplanta dins un revolum de poussa. Dos pompiers, lo pòrtaletras e un metge ne’n calan e penetran dins l’ostau. De temps passa. Lei quatre òmes sorton mai, emé fòrça precaucions, portant un baiard. L’i an cargat lo papet brancat de pertot ambé de bornèus religats a de flascons que lo metge tèn auçats. (seguirà)

Andrieu Goyot.

Conte : Le vieil homme. (suite)

Ceci ne trouble pas le sommeil du papet qui, un peu dur d’oreille, n’entend que des sons atténués. Le matin revenu, tous les passereaux sont réunis, joyeux, attendant que le papet ouvre sa porte. Bien que le temps s’écoule, rien ne bouge dans la maison. L’inquiétude naît et croît rapidement. Une à une, les petites voix se taisent. Les hirondelles qui ont niché dans les génoises, sous la toiture de la maison, se risquent à se pencher en dehors de leur nid pour essayer de voir quelque chose. En vain ! «Coucou», fait le coucou que certains sont allés chercher. «Hou ! Hou ! Hou !», ajoute le vieux hibou que d’autres ont prévenu. Sans résultat ! Une pie à laquelle on a appris à parler complète : «Et, si des fois…» Elle n’en peut pas dire davantage, tous crient : « Tais-toi ! Tais-toi ! Tais-toi ! », tous les oiseaux se sont déjà caché la tête sous une aile pour ne rien entendre. Enfin, arrive le facteur qui s’arrête devant la maison, étonné par le calme qui règne. Il observe la porte, abasourdi de la trouver fermée. A cette heure, d’habitude, elle est béante. Le papet l’invite, lui proposant un verre de vin rosé. Bien sûr, pour être poli, lui, le refuse souvent, d’abord. Mais il finit toujours par le boire. Cette fois, il hésite, ôte sa casquette et se gratte le crâne. Mais, mourant de soif, il frappe à la vitre. Pas de réponse. Il tourne le loquet, pousse et entre puisque la porte n’est pas fermée à clé. Au rez-de-chaussée, la cuisine est vide. Il grimpe dans la chambre, à l’étage. Aussitôt, il crie : «Tonnerre de pas Dieu ! Antoine, parle-moi. Maudit soit le sort !» Il dévale les escaliers quatre à quatre, saute sur sa bicyclette et file comme l’éclair. Il n’irait pas plus vite, s’il avait le diable aux trousses. Un long moment après, un avertisseur sonore retentit et une ambulance rouge s’immobilise dans un tourbillon de pousière. Deux pompiers, un médecin et le facteur en descendent et pénètrent dans la maison. Du temps passe. Les quatre hommes ressortent avec beaucoup de précautions, portant un brancard. Ils y ont installé le papet branché de partout avec des tuyaux reliés à des flacons que le médecin tient élevés.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *