Nòstre amic, Andrieu a decidit de confidar mai son estilò a Guiu Rami, sòci de l’IOE-06. Guiu Rami a ja escrich lo resson d’aqui n° 3 (Una resurreccion) e n° 13 (Cu siéu). De cronicas que podetz totjorn legir sus lo siti de l’ieo-06.
Vautres toi sòcis ò amics de l’ieo-06 podetz nos escriure per prepausar lei vòstres tèxts.
Podetz legir l’article de Guiu Rami encuei dins l’edicion de « Nice-Matin » Grassa. De pas mancar l’agenda en bas de pagina.
Lo Revenge d’un pòrc
Despuei quauqueis annadas, lei pòrcs sauvatges son fòrça nombrós dins la region. Verai que leis òmes an quitat lei camps. Argelàs, cades, euses, e pins an creissut en plaça dei blads, trufas, ceses ò lentilhas. Lei faissas lauradas son vengudas de bòscs espés clafits d’erbassas e d’espinàs. Lei fons de valadas semblon de seuvas verges dont lei pòrcs son rèis. Aquò explica que d’ivèrn, cada setmana, de centenaus de caçaires envasisson aquelei luecs. Si travestisson en sordats d’opereta, auturós de tenir un fusiu en mans. An besonh de se mesfisar lei cercaires de bolets que, un boisson que bolega dins lo perimètre de la batuda, pòu pas èstre, de segur, qu’un pòrc que passa !
Avié barrulat un amic mieu tota la matinada, ‘mé d’autrei caçaires, pròche Seranon, au luec-dich « Usebi », sensa posquer faire petar un còup de fusiu. Per lei « gestionaris dau ferum », l’ora dau dinnar es sacrada : es un lòng moment de convivéncia que rostisson lei costeletas sus la grasilha, raion fòrça lei bobonetas de roge e cadun refa lo monde. S’èron, doncas, acampats sota una barra quand ausèron japar un can sarrat dins lei rocàs subre d’elei. A l’armada, antan, un cavau èra mai preciós qu’un òme ; a la caça es parier per un can, sustot un can de pòrcs. Jànot, lo mieu collèga, comencèt d’escalar plan plan ; èra gaire aisat mai l’òme es pron galhard e ren l’espaurisse. Arribèt sus una cornissa e veguèt un pòrc pron gròs a quatre mètres. Que faire ? Sautar ? Contunhar d’escalar ? Ges de potinga miracle… falié tenir targa a la bestiassa. Lo pòrc si devié pensar, dins la sieu gròssa tèsta : « Encuei, vau prene lo mieu revenge, d’un còup de morràs lo ti vau despendolar d’aquí » e subran ataquèt. Jànot arrapat d’una man a la ròca, l’evitèt coma fa lo toreadòr e li mandèt un ponh terrible. Susprés, si desbaucèt lo pòrc, faguèt un saut perilhós mentre que bramava Jànot : « Lo pòrc ! Lo pòrc ! ». Leis autrei veguèron l’animau virar, virar e s’esprefondar dins un espinàs. L’enfant de Jànot li mandèt ben tres còups de fusiu mai lo pòrc avié ja calat lei ribàs e s’èra assostat. Se passejatz, de nuech, dau costat d’Usebi ausiretz bessai, dins lei bartàs, un pòrc contar la sieu istòria a de companhs e si petar dau rire sota leis estèlas.
Guiu Rami.
La revanche d’un sanglier.
Depuis quelques années, les sangliers sont très nombreux dans la région. Il est vrai que les hommes ont délaissé les champs. Genêts épineux, cades, chênes verts et pins ont poussé à la place des blés, des pommes de terre, des pois-chiches ou des lentilles. Les terrasses labourées sont devenues des bois épais remplis de hautes herbes et de buissons d’épines. Les fonds de vallées ressemblent à des forêts vierges où les sangliers sont rois. Cela explique que, l’hiver, toutes les semaines, des centaines de chasseurs envahissent ces lieux. Ils se déguisent en soldats d’opérette, tout fiers de tenir un fusil dans leurs mains. Les chercheurs de champignons doivent se méfier, car, un buisson qui bouge dans le périmètre d’une battue ne peut être, évidemment, qu’un sanglier qui passe !
L’un de mes amis avait erré toute la matinée, en compagnie d’autres chasseurs, près de Séranon, au lieu-dit « Usebi », sans pouvoir tirer le moindre coup de fusil. Pour les « gestionnaires du gibier », l’heure du déjeuner est sacrée : c’est un long moment de convivialité car les côtelettes rôtissent sur le gril, les petites bonbonnes de vin rouge coulent en abondance et chacun refait le monde. Ils s’étaient donc rassemblés sous une barre rocheuse lorsqu’ils ont entendu aboyer un chien, prisonnier des rochers au-dessus de leurs têtes. A l’armée, autrefois, un cheval était plus précieux qu’un homme ; c’est pareil à la chasse pour un chien, surtout un chien de sanglier.
Jeannot, mon ami, a commencé d’escalader tout doucement la roche ; ce n’était pas facile mais l’homme est assez robuste et rien ne l’effraie. Il est arrivé sur une corniche et a vu un sanglier assez gros à quatre mètres de lui. Que faire ? Sauter ? Poursuivre l’escalade ? Pas de potion magique… il fallait faire front à l’imposante bête. Le sanglier devait penser dans sa grosse tête : « Aujourd’hui, je vais prendre ma revanche, d’un coup de museau, je vais te le décrocher d’ici » et, immédiatement, il a attaqué. Jeannot, aggripé d’une main au rocher, tel un toréador l’a évité et lui a envoyé un coup de poing terrible. Surpris, le sanglier culbuta dans le vide et fit un saut périlleux tandis que Jeannot hurlait : « Le sanglier ! Le sanglier ! ». Les autres ont vu l’animal pirouetter et s’écraser dans un buisson épineux. Le fils de Jeannot lui a bien envoyé trois coups de fusil mais le sanglier avait déjà dévalé les hauts talus et s’était mis à l’abri. Si vous vous promenez, de nuit, du côté d’ « Usebi », vous entendrez, peut-être, dans les fourrés, un sanglier raconter son histoire à ses camarades et se tordre de rire sous les étoiles.
AGENDA :
Atelier de danses populaires : mardi 15 novembre à 20h30, salle polyvalente St Antoine de Grasse.
Atelier de langue : mercredi 15 novembre à 17h30, salle polyvalente St Jacques de Grasse.