Es nòstre amic Andrieu SAISSI, responsable de la cronica de « Nice-Matin » per l’IEO-06, que signa lo tèxt d’aquesta setmana : Escandol au cementèri.
Vautres toi sòcis ò amics nos podetz escriure per prepausar lei vòstres tèxts.
Podetz legir l’article d’Andrieu SAISSI encuei dins l’edicion de « Nice-Matin » Grassa.
De pas mancar l’agenda en bas de pagina.
Escandol au cementèri.
Mi contèt lo regretat Tèo Giordan, de La Còla, que, dins lo temps, lo servici dei pompas funèbras èra comunau, coma dins fòrça vilatges de França tota. D’emplegats municipaus organizavan lo darrier omenatge ai defuntats : leis enterraments si debanavan – tant vau dire – « en familha ».
« Tanta »* Naneta èra veusa ja despuei quauque temps. Anava cada jorn au cementèri sus la tomba dau sieu « paure » marit, per estacament, segur, mai, tanben un pauc per abituda. Escobava la pèira, aigava lo pòt de geraniom que senhorejava en plen mitan de la tomba, puei, plan planin, si recampava.
Un matin, arriba « Tanta »* Naneta a la Comuna. Tota trebolada, si rònça au Secretariat dau Premier Cònse. Explica plena d’indignacion qu’es un escande de veire, au cementèri, despuei tres jorns, au bèu mitan d’una lèia, un ataüt pausat sus doi cavalets, davant una tomba badiera. La secretairitz es au corrent de ren, lo premier cònse e l’adjonch avisats, arriban ; elei, tanpauc, conoisson pas lo perqué de l’afaire…
Basta ! fan venir lo cap-cantonier qu’explica, candidament, qu’au darrier enterrament que si faguèt durbèron la tomba que si trobèt a mitat plena d’aiga en causa dei plueias tombadas recentament. L’ataüt dau premier ocupant dau luec flotejava, tau un batèu, dins lo cròs.
« L’avèm repescat, vujat la tomba ‘mé de poaires e mes en plaça l’ataüt novèu. Mai lo premier èra talament banhat que si siam pensats de profichar lo retorn dau bèu temps per lo faire secar au solèu, de lo remetre en plaça e de tapar mai lo tombèu. » L’intencion èra lausabla. Pasmens, expliquèron a l’emplegat que se capitèsse mai un cas semblable, seriá mestier de plaçar l’ataüt dins la capèla dau cementèri ò dins lo garatge dau corbelhard, puslèu que de lo laissar ansin en vista.
Tant que visquèt, « Tanta »* Naneta tenguèt d’a ment lei cantoniers, mai jamai, plus jamai recomencèt.
Andrieu Sàissi.
*Tanta », « Tonton » ò « L’oncle » es un biais amistós de sonar lei personas que començan d’èstre annadas.
Cementeri dau Paradou
Scandale au cimetière.
Le regretté Théo Giordan, de La Colle(-sur-Loup), m’a raconté, qu’autrefois, le service des pompes funèbres était communal, comme dans de nombreux villages dans la France entière. Des employés municipaux organisaient le dernier hommage aux défunts : les enterrements se déroulaient – pour ainsi dire – « en famille ».
« Tante »* Antoinette était veuve depuis déjà un certain temps. Elle se rendait tous les jours au cimetière sur la tombe de son « pauvre » mari, par attachement, bien sûr, mais aussi un peu par habitude. Elle balayait la pierre tombale, arrosait le pot de géranium qui trônait au beau milieu de la tombe, puis, tout doucement, rentrait chez elle.
Un matin, « Tante »* Antoinette arrive à la Mairie. Bouleversée, elle se précipite au Secrétariat du Maire. Pleine d’indignation, elle explique que c’est un scandale de voir, au cimentière, depuis trois jours, en plein milieu d’une allée, un cercueil posé sur deux chevalets, devant une tombe grande ouverte. La secrétaire n’est au courant de rien, le Maire et le Premier Adjoint, avertis, arrivent ; eux non plus ne connaissent pas le fin mot de l’affaire…
Bref ! on fait venir le chef-cantonnier qui explique, ingénument, que lors du dernier enterrement, on a ouvert la tombe qui s’est trouvée à moitié pleine d’eau en raison des pluies récentes. Le cercueil du premier occupant des lieux flottait, tel un bateau, dans le caveau.
« Nous l’avons repêché, vidé la tombe à l’aide de seaux et mis en place le nouveau cercueil. Mais le premier était tellement trempé que nous avons pensé profiter du retour du beau temps pour le faire sécher au soleil avant de le remettre en place et de refermer le tombeau. » L’intention était louable. On a, toutefois, expliqué à l’employé que, si jamais cas semblable se reproduisait, il conviendrait de placer le cercueil dans la chapelle du cimetière ou le garage du corbillard plutôt que de le laisser ainsi en vue.
Tant qu’elle a vécu, « Tante » Antoinette a surveillé de près les cantonniers, mais jamais, au grand jamais, cela ne s’est reproduit.
« Tante », « Tonton », « Oncle » est la façon affectueuse d’appeler les personnes qui commencent à prendre de l’âge.
Agenda :
Atelier de danses populaires, mardi 13 mars, salle polyvalente de St Antoine, à Grasse, 20h30,
Atelier de langue, mercredi 14 mars, salle polyvalente de St Jacques, à Grasse, 17h30.
