Nòstre amic, Andrieu a decidit de confidar son estilò a Gílbert Mancini qu’a ja escrich per lo RESSON D’AQUI. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Gílbert Mancini encuei dins l’edicion de « Nice-Matin » Grassa.
De pas mancar l’agenda en bas de pagina.
La partida de bòchas.
En Provença, li a doas abitudas sacradas que se pòdon pas forviar. D’en premier, lo penequet, puei la partida de bòchas. Lo penequet es culturau, la partida de bòchas, ela, es divertissenta.
Lei puristas jògan per dos, consideran que lei partidas de mai de dos son pas interessantas, s’esperlòngan, son per lei vièlhs babaus, lei forestiers ò lei vacanciers.
Aquestei partidas si jògan, pron sovent, en tota amistat ; per donar mai d’interés, jogam l’aniseta ò l’anchoiada ‘mé lo rosenc de Provença. Jogar de sòus tanben si pòu faire, pasmens, entre collègas, aquò seriá pas convenent, e mai que si faguèsson de concors de bòchas ‘mé, per lei venceires, de prèmis de tria.
Aquí, lei jogaires s’arnescan de bòchas trelusentas que semblan d’escaumas de pagèus. Lo premier manda lo lec, seriós coma un papa. A l’entorn, un acamp de badaires si gropan en doas tieras e fan tapissariá. Cada fes que mandan la bòcha, vesètz se remenar un vintenau de tèstas que la segon, l’uelh badant, pièi, quand, per sòu, la bòcha s’arrèsta, vesètz se clinar lei vint tèstas que baducan coma de limberts. « Lo ponch es mieu d’una sabata, brama l’un. – Non es mieu de tres dets, rebeca l’autre ». Aquí, reclaman la cordeta e pron sovent i’a que l’espessor d’un fiu. Alora, fau tirar ! Subran, la tapissariá, fasent mèfi a sei botèus, s’escarta, espaurugada ; cadun tèn son alen. La bòcha pica e rèsta. Lei badaires pican dei mans, pièi, la tapissariá se barra mai.
A ! que son avivadas aquestei partidas… L’estiu a la fresca, l’ivèrn au solèu, es un jòc qu’ a ges de sason ; totei lei ròdols son bòns : l’arena, la plana, lei camins clapeirós emai, lei terrens engravats. E pièi, si podèm totjorn revenjar : « Cu perde diluns, dimenge ganharà », ansin tot lo monde son contents e pagan pus volentiers l’aperitiu !
Gílbert Mancini.
Partida de bòchas
La partie de boules.
En Provence, deux habitudes sacrées, sont inévitables. D’abord, la sieste, puis, la partie de boules. La sieste est culturelle, la partie de boules, elle, est divertissante.
Les puristes jouent par deux, ils considèrent que les parties à plus de deux joueurs ne sont pas intéressantes, elles s’éternisent, elles sont bonnes pour les vieux croûlants, les « étrangers » (au pays) ou les vacanciers.
Ces parties se jouent, assez souvent, en toute amitié ; pour donner un intérêt supplémentaire, l’on joue l’anisette ou l’anchoïade et le rosé de Provence. On peut aussi jouer pour de l’argent, mais, entre amis, cela ne serait pas convenable, bien que des concours richement dotés soient aussi organisés.
Là, les joueurs s’équipent de boules étincelantes qui semblent des écailles de pagel. Le premier envoie le cochonnet, sérieux comme un pape. Tout autour, une assemblée de badauds se regroupe en deux files et font tapisserie. Chaque fois que l’on lance la boule, vous voyez une vingtaine de têtes qui la suivent, dans un mouvement de va-et-vient, les yeux écarquillés, puis quand la boule s’arrête sur le sol, les vingt têtes se penchent, regardant, ébahies, comme des lézards verts. « Le point es à moi, de la longueur d’une chaussure, claironne l’un. – Non, proteste l’autre, il est à moi de trois doigts ». Là, on réclame la ficelle et bien souvent il n’y a entre les boules et le cochonnet que l’épaisseur d’un fil. Alors, il faut tirer ! Immédiatement, la tapisserie, prenant garde à ses mollets, s’écarte, effrayée ; chacun retient son souffle. La boule frappe celle de l’adversaire et reste sur place. Les spectateurs applaudissent, puis la tapisserie se referme.
Ah ! qu’elles sont animées ces parties… L’été au frais, l’hiver au soleil ce jeu n’a pas de saison ; tous les endroits sont bons : le sable, le plat, les chemins pierreux et même les terrains couverts de gravier. De plus, on peut toujours prendre sa revanche : « Qui perd lundi, dimanche gagnera », aussi, tout le monde est content et l’on paie l’apéritif plus volontiers !
Agenda :
Atelier de danses : mardi 20 mars, salle polyvalente de St Antoine, 20h30. Atelier de langue : mercredi 21 mars, salle de St Jacques, 17h30.
