RIBON-RIBANHA

Amics occitans, la cronica Ribon-Ribanha d’ancuei titrada “Juècs de mòts occitans ?” v’es prepauada da Reinat TOSCANO, Segretari de l’IEO-83. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…

a l’adreça : ribonribanha@yahoo.fr

“La garderem ribon-ribanha, nòsta rebèla lenga d’Òc !”

Juècs de mòts occitans ?

Ai sovent audit e liejut que lo juèc de mòts èra una especialitat francesa, totalament impossibla en occitan. Per ieu, aquò es totalament faus : se la lenga noastra siguesse mai emplegada dins la vida quotidiana, mai socialisada, segurament auriavam ben mai sovent l’escasença de jugar m’ai mòts. Vaquí doi exemples :

En cò dau metge :

Lo metge : Boanjorn mèstre, dont avètz mau ?
Lo pacient : Ai rens.
Lo metge : S’avètz ren, perqué mi siatz vengut consultar ?

Una istòria de cat :

Vaquí cen que m’a cuntat lo mieu cat l’autre jorn :

M’en arriba una bèla! L’autre jorn, rescòntri lo cat de Joan-Glaudi, que mi di:
– Ti veï totjorn solet. Vène mé ieu, ti presenterai una calinhera.
Ieu, mi fidi d’un amic coma eu e li vau, eu mi presenta una polida catona que li fau lo sieu afaire coma ti poades imaginar… E despí… mi grati…
E l’autre estaci que si peta dau rire per lo còup que m’a fach, e cada còup que lo veï, si fote de ieu en cantant:
– Calinhera, qu’a li nièras…
A! Ti dii! Lu amics!

Reinat TOSCANO

Jeux de mots occitans ?

J’ai souvent lu et entendu que le jeu de mots était une spécialité française totalement impossible en occitan. Pour moi, c’est totalement faux : si notre langue était davantage employée dans la vie quotidienne, davantage socialisée, nous aurions certainement bien plus souvent l’occasion de jouer avec les mots. Voici deux exemples :

Chez le docteur :

Le docteur : Bonjour monsieur, où avez-vous mal ?
Le patient : Aux reins.
Le docteur : Si vous n’avez rien, pourquoi êtes-vous me consulter ?

Une histoire de chat :

Voici ce que m’a raconté mon chat l’autre jour : Il m’en arrive une bonne !
L’autre jour, je rencontre le chat de Jean-Claude, qui me dit :
– Je te vois toujours seul. Viens avec moi, je te présenterai une fiancée.
Moi, je fais confiance à un ami comme lui et j’y vais, il me présente une jolie petite chatte à laquelle je fais son affaire comme tu peux l’imaginer… Et depuis … je me gratte…
Et l’autre imbécile qui éclate de rire pour le tour qu’il m’a joué, et chaque fois que je le vois, il se moque de moi en chantant :
– Fiancée, qui a des puces…
Ah ! Je te dis ! Les amis!