Amics occitans, la cronica Ribon-Ribanha d’ancuei titrada “Uis dubèrts” v’es prepauada da Giacomino GENTI, sòci de l’IEO-06, qu’escriu en occitan dei Valadas d’Itàlia. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
“La garderem ribon-ribanha, nòsta rebèla lenga d’Òc !”
Uis dubèrts
Lo solelh al èra ‘squasi cojat
Quora siáu arribat
E ai vist i meire derochats
Tuchi i uis dubèrts
Mese sensa cubert.
La desolacion i es intrat dins mieu còr
Vai saber perque lo chan s’e butat japar fòrt
Sarè ‘sta sieua manera de dire i còse
Al capia pas que diaul ente l’estabi i èra i lòse
Mas que vòs respònde a un chan qu’al japa
Far-se capir dai bèstie pas facil que sapia
En piròl pertusat un bachassòt ente l’aiga a sechat
Me fai ben ‘navisar que ici la vita i es passat
Magara si vivia ben ò pas tròp mal
Mas creu un jorn i a agut un temporal
E coma l’aiga lo destin vai per valat
A veire la vita qu’èren pas destinats
E aquela bancha da i pès camolats
Puèsse contar i ‘stòrie qui i a ‘scotat
I es aquí semeu ‘tende ‘na minà un vielh
O just de calinhaires boca-se ent’ei uelhs
Lo martelhar d’en pic sus en noier
Me fai capir encuei sarè mai pi ièr
Lei embé lo solelh bele endurmit
Suenho de mai vos veire tuchi ici.
Giacomino GENTI
Uis dubèrts – fòto : Choaseta GENTI
Portes ouvertes
Le soleil allait se coucher
Quand je suis arrivé
Et j’ai vu les estives délabrées
Toutes les portes défoncées
Dont la moitié dénudées.
La désolation a envahi mon corps
Sans raison, le chien s’est mis à aboyer fort
A sa manière, essayait-il de me dire quelque chose ?
Il ne comprenait pas ce que faisaient dans l’étable ces lauses.
Mais, que répondre à un chien qui aboit ?
Se faire comprendre des bêtes, ce n’est pas facile ma foi !
Une marmite trouée, un abreuvoir asséché…
Autant de marques tangibles d’une vie passée.
On vivait bien ou du moins, on ne vivait pas trop mal
Un jour, il y a eu un orage, je crois
Et comme l’eau, le destin a ruisselé
Vers une vie non désirée.
Et ce banc, avec ses pieds vermoulus,
S’il pouvait raconter tout ce qu’il a entendu :
Il est là et semble attendre un enfant ou un vieux
Ou simplement un couple d’amoureux se dévorant des yeux.
Le tambourinage d’un pic sur un noyer
Me ramène à aujourd’hui : hier est bien passé !
Sous les rais du soleil endormi
Je rêve de vous revoir de nouveau tous ici.
