Fontaine_Porte_Fausse.jpg

Amics occitans, la cronica Ribon-Ribanha d’ancuei, titrada « Caça ai tresòrs de Niça », es un juec que vi dona l’escasença de partir a la descubèrta dau patrimòni arquitecturau niçard. Asperam tanben li vòstri suggestions de barolada en questa dei tresòrs d’autres cantons de Niça e dei ciutats a l’entorn,


a l’adreça : ribonribanha@yahoo.fr

« La garderem ribon-ribanha, nòsta rebèla lenga d’Òc ! »

Per legir li respòstas : http://ieo06.free.fr/spip.php?article1571

Caça ai tresòrs de Niça

Question 1 Partem da Niça Vielha emb’una splendida aigla niçarda. Cu nen pòu dire de que monument es tracha ?

Fontaine_Porte_Fausse.jpg

Question 2 E l’afresc famós d’Adam e Eva m’ai cogordons, lo sabètz situar tra lu carreiròus ?

Poissonnerie.jpg

Question 3 Se l’i pilhatz garda, remarqueretz encastrats en lu barris de Niça doi bolets tirats per l’armada turca mentre l’assedi dau 1543. Dont exactament ?

boulet.jpg

Question 4 S’atrovam en carriera Sant Francés de Paula. Podètz admirar en fòto lo detalh d’un bastiment public aüra desfondut per laissar plaça en un parc de veituras. Cen qu’èra aquela maion ?

Ecole_St_Francois_Paule.jpg

Question 5 Nen vequí pi davant li estàtuas dei doi eròes niçards, Pepin e Catarina, que conoissètz da sempre. Non auretz donca minga dificultat per nen descriure lu atràs que ten en man Catarina. Mas se vi demandessiam : en que man ?

Catarina.jpg

Per autre, sus lo sòcle de Pepin, cu son lu baudos en medalhon ? E lu lions, de que tenon tra li patas ?

Garibaldi.jpg

Question 6 En costejant lo pòrt, provem de trovar au manco cinc ponchuts dai nomenàias niçardi.

Ponchuts.jpg

Question 7 Au passatge, notam la pòrta solidament barrada d’un bastiment public important, aüra en desusença. Cen qu’èra la sieu fonccion ?

Preson.jpg

Question 8 En direccion dau centre, passam davant li maions de doi celebres Niçards. La premiera s’està au numerò 35 dau bolivard Carabacèl.

Carabacel3.jpg

La segonda es au 22 de la carriera Pertinax. Cu seràn aquelu personatges ?

22_rue_Pertinax2.jpg

Question 9 S’atarderem torna un moment en aqueu quartier elegant per fin de contemplar l’arquitectura Bèla Epòca dei façadas e tentar de trovar li doi maions ornadi dei elements decoratius seguents : la cara d’una Niçarda

Bd_Risso.jpg

e doi àngels bofarèus

carabacel4.jpg

Question 10 La dièm Maion dei Nanets, s’està au 2 de l’avenguda Desambrois. Mas cu pòu citar lo sieu nom vertadier ?

Maion_nanets.jpg

Question 11 Reconoissètz lu doi monuments parats d’aquesti mòstras solari ?

Massena2.jpg

Cimier.jpg

Question 12 De que gleias fan partida lu tres elements d’arquitectura religioa presentats çai-sota ?

Monastere.jpg

EDHEC.jpg

St_Bertomieu.jpg

Question 13 Vist de pròche, vequí lo detalh d’un monument dau centre de Niça. Coma l’i dion e dont s’atròva ?

Albert_premier.jpg

Question 14 Enfin, per acabar, anam descurbir doi fònts anodini que, pasmens, son uniqui. La premiera s’està sus lo bolivard de Cimier

Cimier2.jpg

mentre la segonda es au 112 de l’avenguda Califòrnia. Mas cen que fa la sieu originalitat ?

Californie.jpg

La Caça ai Tresòrs si conclude aquí… per lo moment ! S’esperam que vi siguetz ben divertits, que lu vòstres pens non sigon tròup gonfles après tant de caminada e que seretz numerós a nen prepauar de solucions en comentari de l’article. Farem paréisser li respòstas definitivi en fin de mes e, cu saup, bessai que l’i serà finda un regal per lo ganhant ?

A VOS LEGIR BENLÈU !!!

Laisser un commentaire

Votre adresse e-mail ne sera pas publiée. Les champs obligatoires sont indiqués avec *